પડતર પ્રશ્નોના ઉકેલની માંગ સાથે તાપી જિલ્લા પંચાયતના આરોગ્ય શાખાના કર્મચારીઓ ધરણા પર ઉતાર્યા છે.
તાપી જિલ્લા પંચાયત કર્મીઓની હડતાળ
પડતર પ્રશ્નોની માંગ સાથે ધરણા
નિરાકરણ ન આવતા આજે ફરીથી ધરણા પર બેઠા
તાપી જિલ્લા પંચાયતના આરોગ્ય શાખામાં ફરજ બજાવતા કર્મચારીઓ પોતાની જૂની માંગને લઈને આકરા પાણીએ થયા હતા. કર્મચારીઓ જિલ્લા કલેકટર કચેરી બહાર પોતાના પડતર પ્રશ્નોના ઉકેલની માંગ સાથે ધરણા પર બેઠા છે. જો આગામી દિશામાં પ્રશ્નોનો અંત નહી આવે તો ગાંધીનગર સુધી વિરુદ્ધ પ્રદર્શન કરવા અંગેની ચીમકી ઉચ્ચારાઈ હતી જેને પગલે કામગીરીને પ્રતિકૂળ અસર પડી હતી અને તંત્ર દોડતું થયું છે.
કર્મીઓએ આ પહેલા પણ આંદોલન કર્યું હતું
તાપી જિલ્લા પંચાયત વિભાગના આરોગ્ય શાખાના કર્મચારીઓ આ પહેલા પણ આંદોલન કર્યું હતું છતાં સબંધિત વિભાગ દ્વારા કર્મચારીઓની માંગને ગણકારવામાં ન આવતા ફરી કર્મચારીઓ વિરોધના માર્ગે વળ્યા છે. ફરીથી ધરણા પર બેઠા હોવાથી આરોગ્ય વિભાગની કામગીરીને પણ અસર જોવા મળી હતી. એટલું જ નહિ જો આવનારા સમયમાં તેમની માગણી નહિ સ્વીકારાય તો ગાંધીનગર ખાતે આરોગ્ય કર્મચારીઓ પોતાના પરિવાર સાથે ધરણાંનો કાર્યક્રમ કરશે તેવી ચીમકી પણ આપવામાં આવી છે.
ફરીથી ધરણા પર બેસી કર્મીઓએ આપી ગાંધીનગર આંદોલનની ચીમકી
છેલ્લા કેટલાય સમયથી રાજ્યના અનેક શહેરોમાં આરોગ્ય વિભાગમાં ફરજ બજાવતા કર્મચારીઓ પોતાની કેટલીક માંગણીને લઈ હડતાળ પર ઉતર્યો છે. ત્યારે આજે તાપી જિલ્લાના સેવાસદનના ગેટ બહાર કર્મચારીઓ ધરણા પર બેઠા છે. ગ્રેડ પે સહિત અલગ અલગ માંગણીને લઈ હડતાળ પર ઉતર્યો છે અને સરકાર દ્વારા કોઈ નિરાકરણ નહિ લાવવામાં આવતા આજે ધરણાનો કાર્યક્રમ કરી વિરોધ કરવામાં આવ્યો હતો. વધુમાં ગાંધીનગર ખાતે આરોગ્ય કર્મચારીઓ પોતાના પરિવાર સાથે ધરણાંનો કાર્યક્રમ કરશે તેવી ચીમકી ઉચ્ચારી હતી. આ અગાઉ પણ વિરોધાત્મક કાર્યક્રમો યોજવા છતાં સરકાર દ્વારા પ્રશ્નોના ઉકેલ બાબતે રાહતનું તેળુ ન આવતા આરોગ્ય કર્મચારીઓમાં રોષ જોવા મળી રહ્યો છે.