બમ્પર રિટર્ન / 30થી વધીને ₹748.50 પહોંચી આ કંપનીના એક શેરની કિંમત, રોકાણકારોને 600% ડિવિડન્ડનું એલાન

• તાનલા પ્લેટફોર્મસ લિમિટેડ આઈટી સૉફ્ટવેર ઈન્ડસ્ટ્રીની એક મિડકેપ કંપની
• નિર્દેશક મંડળે 6 રૂપિયા પ્રતિ ઈક્વિટી શેરનુ ડિવિન્ડ આપવાની કરી જાહેરાત
• કંપનીના નિર્દેશક મંડળે અન્ય વાતોની સાથે-સાથે ડિવિડન્ડ પર ચર્ચા કરી

6 રૂપિયા પ્રતિ ઈક્વિટી શેરનુ ડિવિડન્ડ આપવાની જાહેરાત કરી

તાનલા પ્લેટફોર્મસ લિમિટેડ આઈટી સૉફ્ટવેર ઈન્ડસ્ટ્રીની એક મિડકેપ કંપની છે, જેની માર્કેટ કેપ 10,187.02 કરોડ રૂપિયા છે. વિશ્વભરમાં ક્લાઉડ સંચાર સમાધાનના સૌથી મોટા પ્રદાતાઓમાંથી એક કંપની છે. નાણાંકીય વર્ષ 2022-23 માટે કંપનીના નિર્દેશક મંડળે 6 રૂપિયા પ્રતિ ઈક્વિટી શેરનુ ડિવિડન્ડ આપવાની જાહેરાત કરી છે. જેનો દરેક શેર 1 રૂપિયા ફેસ વેલ્યુ છે. કંપનીની લેટેસ્ટ શેર પ્રાઈસ 748.50 છે. 

શું કહ્યું કંપનીએ?

કંપનીના નિર્દેશક મંડળે એક સ્ટોક એક્સચેન્જ ફાઈલિંગમાં કહ્યું છે કે સેબી મુજબ અમે આ નક્કી કરવા માંગીએ છીએ કે ગુરૂવારે 4 ઓગષ્ટ 2022ની આયોજીત બેઠકમાં કંપનીના નિર્દેશક મંડળે અન્ય વાતોની સાથે-સાથે ડિવિડન્ડ પર ચર્ચા કરી અને નાણાંકીય વર્ષ 2022-23 માટે 6 રૂપિયા પ્રતિ ઈક્વિટી શેર ફેસ વેલ્યુ 1 રૂપિયા વચગાળાના ડિવિડન્ડ તરીકે જાહેરાત કરી. વચગાળાના ડિવિડન્ડ તરીકે 19 ઓગષ્ટ, 2022ના રોજ ઈક્વિટી શેરધારકોના નામ નક્કી કરવા માટે રેકોર્ડ તારીખ નક્કી કરવામાં આવી.

કંપનીના શેર પ્રાઈસ 

તાનલા પ્લેટફોર્મસ લિમિટેડના શેર શુક્રવારે 748.50 પર બંધ થયા. જે છેલ્લાં બંધથી 2.29 ટકા ઓછા છે. છેલ્લાં 5 વર્ષોમાં સ્ટોકની કિંમત 11 ઓગષ્ટ 2017ના રોજ 30.30 રૂપિયાથી વધીને 5 ઓગષ્ટ 2022ના રોજ 748.50 રૂપિયા પર પહોંચી છે. એટલેકે આ દરમ્યાન રોકાણકારોને 2370.30 ટકાનુ ભારે મલ્ટીબેગર રિટર્ન મળ્યું છે. જો કે, છેલ્લાં 1 વર્ષમાં સ્ટોક 18.73 ટકા પડી ગયો છે અને YTDના આધાર પર સ્ટોક 2022માં અત્યાર સુધી 59.30 ટકા પડ્યુ છે. છેલ્લાં છ મહિનામાં સ્ટોક 55.94 ટકા પડી ગયો છે અને છેલ્લાં 1 મહિનામાં આ 24.46 ટકા પડી ગયો છે. એનએસઈ પર સ્ટોકે 17 જાન્યુઆરી 2022ના રોજ 2096.75ના 52 સપ્તાહના ઉચ્ચ સ્તરે 64.30 ટકા અને 52 સપ્તાહના નિચલા સ્તરથી 28.05 ટકા ઉપર છે.