ચૂંટણી પ્રચાર / ભ્રષ્ટ નથી એટલે ભાજપ 24 કલાક મારી પર હુમલા કરે છે- રાહુલ ગાંધી

• રાહુલ ગાંધી તમિલનાડુમાં કરી રહ્યાં છે ચૂંટણી પ્રચાર 
• 6 વર્ષથી બંધારણીય સંસ્થાઓ અને ફ્રી પ્રેસ પર હુમલાઓ કરાઈ રહ્યાં છે-રાહુલ 
• ન્યાયપાલિકા અને સંસદમા મહિલા અનામતના પક્ષપાતી છું- રાહુલ ગાંધી 

રાહુલ ગાંધીએ જણાવ્યું કે ચીનને ખબર હતી કે આપણા વડાપ્રધાન ભારતના હિતો સાથે બાંધછોડ કરી લેશે. તેમણે કહ્યું કે છેલ્લા 6 વર્ષથી બંધારણીય સંસ્થાઓ અને ફ્રી પ્રેસ પર સતત વ્યવસ્થિત હુમલાઓ કરવામાં આવી રહ્યાં છે.

તમિલનાડુના થુથકુડીમાં રાહુલ ગાંધીએ કહ્યું કે લોકશાહી એક ઝટકે ખતમ ન થઈ શકે તે ધીરે ધીરે ખતમ થાય છે. સંઘે સંસ્થાઓના સંતુલનને ખોરવી નાખ્યું છે. રાહુલે કહ્યું કે હું ન્યાયપાલિકા અને સંસદમા મહિલા અનામતના પક્ષપાતી છું. દરેક જગ્યાએ ભારતીય પુરુષોએ દરેક મહિલાને પોતાની રીતે જોવી જોઈએ. 

રાહુલ ગાંધીનો સવાલ 

રાહુલ ગાંધી  ટ્વિટર ખૂબ એક્ટિવ રહે છે અને સતત ટ્વિટના માધ્યમથી સરકારથી સવાલો કરે છે ત્યારે શનિવારે તેમણે સરકાર પર લૂંટનો આરોપ લગાવ્યો. રાહુલ ગાંધીએ ટ્વિટ કરીને કહ્યું કે શું કોઈ એવી જગ્યા બચી છે જ્યાં રોજબરોજની ચીજવસ્તુઓ મળતી હોય અને ત્યાં જઈને એવું ન લાગે કે સરકાર તમને લૂંટી રહી છે? આ પહેલા શુક્રવારે પણ રાહુલ ગાંધીએ કહ્યું હતું કે રોજગાર બંધ, મોંઘવારી બુલંદ પણ સરકાર મસ્ત, આંખો બંધ. 

ઉલ્લેખનીય છે કે રાહુલનો એક ફોટોસોશિયલ મીડિયા પર વાઈરલ થયો છે. લોકોને આ ફોટો એટલો પસંદ પડ્યો છે કે લોકો હવે તેની પર કોમેન્ટનો મારો ચલાવી રહ્યાં છે. આ ફોટોમાં રાહુલના બાઈસેપ્સ અને એબ્સ દેખાઈ રહ્યાં છે જેને કારણે કહેવાઈ રહ્યું છે કે તેમની ફિટનેસ ખરેખર વખાણવા લાયક છે. કોંગ્રેસના ઘણા નેતાઓએ પણ રાહુલનો આ ફોટો શેર કરીને તેમની ફિટનેશના વખાણ કર્યાં છે.