પ્રેમ અને રોમાન્સનો દિવસ એટલે વેલેન્ટાઇન ડે. આ વર્ષે તાજ હોટલ ઑફર આપી રહ્યું છે કે 7 દિવસ સુધી મુંબઇમાં ફ્રી રહેવા મળશે. શું છે આ મેસેજ પાછળનું સત્ય?
તાજ હોટલમાં સાત દિવસ રહેવાનુ ફ્રી
તાજ હોટલના આ સ્કેમથી બચો
વેલેન્ટાઇન ડે પર આવી કોઇ ઑફર નથી
વેલેન્ટાઇન ડે પર આમ તો દરેક હોટલ અને રેસ્ટોરન્ટ ઑફર આપતા હોય છે પરંતુ મુંબઇમાં રહેલી તાજ 7 દિવસ સુધી તમને ફ્રીમાં રહેવા દે એ જરાક પચે તેવું નથી, પરંતુ આજકાલ તમને એક મેસેજ લોકો ખુબ ફોરવર્ડ કરતા હશે જેમાં તાજની આ ઑફર વિશે લખેલુ હશે.
વૉટ્સઍપ પર વાયરલ મેસેજ
લોકોને વૉટ્સઍપ પર આ પ્રકારના મેસેજ મળી રહ્યાં હશે, જેમાં લખ્યું હશે કે મને તાજ હોટલથી એક ગિફ્ટકાર્ડ મળ્યું છે અને 7 દિવસ સુધી મફતમાં રહેવાનો મોકો પણ મળ્યો છે.
મેસેજ સાથે એક લિંક પણ મોકલવામાં આવે છે અને તેના પર ક્લિક કરવાથી એક વેબસાઇટ ખુલે છે. જેમાં લખ્યું છે કે, તાજ હોટલે વેલેન્ટાઇન ઉજવવા માટે 200 ગિફ્ટકાર્ડ મોકલ્યા છે અને તેમે આ કાર્ડનો ઉપયોગ તાજની કોઇ પણ હોટલમાં 7 દિવસ સુધી મફત રહેવા માટે કરી શકો છો. તમારી પાસે 3 ચાન્સ છે, ગુડલક.
સવાલના આપો જવાબ
વૅબસાઇટ પર ગિફ્ટ કાર્ડ ક્લેમ કર્યા બાદ ઓકે ક્લિક કરવાથી બીજુ એક પેજ ખુલે છે અને કેટલાક સવાલ પૂછવામાં આવે છે. જે બાદ અન્ય એક પેજ ખુલે છે અને તેમા ટાટા લખેલા 12 બોક્સ આવે છે જેના પર ક્લિક કરવાથી તમને ખબર પડશે કે તમે ગિફ્ટ કાર્ડ જીત્યુ છે કે નહી.
20 લોકોને મોકલો આ મેસેજ
ટાટા લોગો વાળા બોક્સને ક્લિક કર્યા બાદ આગળના પેજ પર હોટલના નામ સાથે એક કાર્ડ ખુલે છે જેમાં લખ્યુ હોય છે કે આ મેસેજને 5 ગ્રુપ અને 20 લોકોને મોકલો. જેથી લોકો કંઇ પણ સમજ્યા વિચાર્યા વગર મોકલવા લાગે છે.
તાજ હોટલે કરી સ્પષ્ટતા
આ પ્રકારના મેસેજ વાયરલ થયા બાદ તાજ હોટલે સ્પષ્ટતા કરી છે અને કહ્યું છે કે, અમે આ પ્રકારની કોઇ પણ ગિફ્ટકાર્ડ નથી શરૂ કર્યુ અને દરેકે આ મેસેજને લઇને સાવધાની રાખવી જોઇએ.
Hi, a website has been promoting a Valentine’s Day initiative, offering a Taj Experiences Gift Card via WhatsApp. We'd like to inform you that Taj Hotels/IHCL has not offered any such promotion. Request to take note of this and exercise due caution.