પોપ્યુલર ટીવી શો તારક મહેતા કા ઉલ્ટા ચશ્મા છેલ્લા 12 વર્ષોથી દર્શકોનો ફેવરિટ છે. ખાસ કરીને બાળકો આ શોને વધુ પસંદ કરે છે. શોમાં ટપ્પૂ સેના પણ ખૂબ જ લોકપ્રિય છે. તારક મહેતાના આ બાળ કલાકારો દર્શકોનું ખૂબ મનોરંજન કરે છે. જેમાં ટપ્પૂ, ગોગી, ગોલી, સોનુ, પિંકૂ બધાં જ છે. તો ચાલો જાણીએ આ લોકો કેટલી ફીસ લે છે.
ટપ્પૂના પાત્રમાં જોવા મળતો રાજ અનડકટ
તારક મહેતામાં ટપ્પૂનો રોલ પ્લે કરનાર રાજ અનડકટ સોશિયલ મીડિયા પર ઘણો જ એક્ટિવ રહે છે. તેણે ભવ્ય ગાંધીને શોમાં રિપ્લેસ કર્યો છે. રિપોર્ટ્સ મુજબ ટપ્પૂને એક એપિસોડના 20 હજાર રૂપિયા મળે છે.
ગોલીના પાત્રમાં જોવા મળતો કુશ શાહ
તારક મહેતામાં જેઠાલાલ સાથે મસ્તી મજાક કરતો કુશ શાહ એટલે કે ગોલી 2008થી આ શો સાથે જોડાયેલો છે. તે એક એપિસોડના 18 હજાર રૂપિયા લે છે.
સોનુના પાત્રમાં જોવા મળતી પલક સિધવાની
સોનુના પાત્રમાં પલક સિધવાની જોવા મળે છે. તેણે નિધી ભાનુસાલીને રિપ્લેસ કરી છે. તેને એક એપિસોડના 10 હજાર રૂપિયા મળે છે.
ગોગીના પાત્રમાં જોવા મળતો સમય શાહ
સમય શાહ તારક મહેતામાં ગોગીનું પાત્ર ભજવે છે. ગોગી ભવ્ય ગાંધીની માસીનો છોકરો છે. સમય શાહ 2008થી આ શો સાથે જોડાયેલો છે. તે એક એપિસોડના 15 હજાર રૂપિયા લે છે.
પિંકુના પાત્રમાં જોવા મળતો અઝહર શેખ
અઝહર શેખ તારક મહેતામાં પિંકુનું પાત્ર ભજવે છે. અઝહર શેખ 2008થી આ શો સાથે જોડાયેલો છે. તે એક એપિસોડના 10 હજાર રૂપિયા લે છે.