પ્રતિક્રિયા / 'ટપ્પુ' સાથે અફેરની ચર્ચા થતાં ભડકી બબીતાજી, ઓપન લેટરમાં કહ્યું- પોતાને ભારતની દીકરી કહેવા પર શરમ આવે છે

• મુનમુન દત્તા પોતાના અંગત જીવન પર થઈ રહેલી ચર્ચાઓને લઈને ભડકી
• મુનમુન દત્તા રિયલ લાઈફમાં કો-એક્ટર રાજ અનડકટને ડેટ કરી રહી હોવાની ચર્ચા
• મુનમુન દત્તાએ ઓપન લેટર લખી બધાંની ક્લાસ લગાવી

આ દરમિયાન મુનમુન દત્તાએ સોશિયલ મીડિયા પર ઓપન લેટર લખ્યો છે અને બધાંની ક્લાસ લગાવી છે. હકીકતમાં થોડાં સમય પહેલાં મુનમુન દત્તાએ ઈન્સ્ટાગ્રામ પર બે પોસ્ટ શેર કરી છે. મુનમુને ઓપન લેટરમાં લખ્યું- મીડિયા અને વિશ્વસનીયતા ન ધરાવતા પત્રકારો. તમને કોણે અધિકાર આપ્યો કે તમે લોકોની અંગત જિંદગી વિશેના જાતે ઊભા કરેલા અને કાલ્પનિક સમાચારો તેમની મંજૂરી વિના લખો? તમારા આ વર્તનને કારણે તમે તેમના જીવનમાં જે ઉથલપાથલ મચાવો છો તેની જવાબદારી સ્વીકારશો? તમે લોકો ટીઆરપી માટે રડી રહેલી મહિલા કે જેણે પોતાનો પ્રેમી કે દીકરો ગુમાવ્યો છે તેને કેમેરામાં કેદ કરવા અંતિમ સંસ્કારમાં દોડી જાવ છો. સનસનાટી ભર્યા આર્ટિકલ કે હેડલાઈન છાપવા માટે તમે કોઈની પણ પ્રતિષ્ઠાનો ભોગ લઈ લો છો પરંતુ તેના કારણે જે-તે વ્યક્તિના અંગત જીવનમાં જે વંટોળ આવે છે તેની તમે જવાબદારી લેશો? જો ના, તો તમને તમારી જાત પર શરમ આવવી જોઈએ

 

 

 

 

View this post on Instagram

 

 

 

 

 

 

 

 

 

 

 

A post shared by 𝐌𝐔𝐍𝐌𝐔𝐍 𝐃𝐔𝐓𝐓𝐀 🧚🏻‍♀️🦋 (@mmoonstar)

મુનમુને બીજો ઓપન લેટર લખ્યો

બબીતાએ આગળ લખ્યું- સામાન્ય જનતા, મને તમારી પાસેથી સારી આશા હતી પરંતુ તમે લોકોએ કમેન્ટ સેક્શનમાં જે ગંદી વાતો ફેલાવી છે તેનાથી જ ખબર પડે છે કે આપણો એજ્યુકેટેડ સમાજ પણ કેટલો પછાત છે. તમારી બે ઘડીની મજા માટે તમે મહિલાઓને તેમની ઉંમર અને સંબંધો માટે ખરાબ દેખાડવાનો પ્રયત્ન કરો છો. તમારી આ મજાને કારણે કોઈ માનસિક રીતે તૂટી જાય તો તમને તેની કોઈ ચિંતા નથી. 13 વર્ષથી હું મનોરંજન કરું છું પરંતુ મારી ગરિમા પર ઠેસ પહોંચાડવામાં તમે 13 મિનિટનો સમય પણ ન લગાવ્યો. એટલે જ હવે જો કોઈ આત્મહત્યા કરે કે ડિપ્રેશનમાં જતું રહે તો પહેલાં એક ક્ષણ રોકાઈને વિચારજો કે ક્યાંક તમારા શબ્દોએ તો તે વ્યક્તિને આ પગલું ભરવા મજબૂર નહોતો કર્યો. મને આજે પોતાની જાતને ભારતની દીકરી કહેતાં શરમ આવે છે. 

 

 

 

 

View this post on Instagram

 

 

 

 

 

 

 

 

 

 

 

A post shared by 𝐌𝐔𝐍𝐌𝐔𝐍 𝐃𝐔𝐓𝐓𝐀 🧚🏻‍♀️🦋 (@mmoonstar)

મુનમુન અને રાજ રિલેશનશિપમાં છે

ઉલ્લેખનીય છે કે થોડાં સમય પહેલાં ઈ ટાઈમ્સની એક રિપોર્ટમાં દાવો કરવામાં આવ્યો હતો કે મુનમુન દત્તા અને રાજ એકબીજા સાથે સંબંધમાં છે. તમને જણાવી દઈએ કે મુનમુન અને રાજની ઉંમર વચ્ચે 9 વર્ષનો તફાવત છે. આ સમાચાર સામે આવ્યા ત્યારથી ઘણાં મીમ્સ સોશિયલ મીડિયા પર વાયરલ થયા હતા.