લોકપ્રિય કોમેડી સીરિયલ 'તારક મહેતા કા ઉલ્ટા ચશ્મા' હમેશાં ધમાલ-મસ્તી જોવા મળે છે. આ ટેલિવિઝન પર સૌથી લાંબા સમયથી ચાલનારા શોમાંથી એક છે. તારક મહેતા કા ઉલ્ટા ચશ્માનો ચાહક વર્ગ દરેક ઉંમરનો છે. શોમાં જેઠાલાલ (દિલીપ જોશી) અને તેના બાપુજી ચંપકલાલ (અમિત ભટ્ટ) વચ્ચે કંઈકને કંઈક મજેદાર થતું રહે છે.
કોરોનાને લીધે હાલ તારક મહેતાના શોનું શૂટિંગ કેન્સલ કરાયું છે
શોનો એક વીડિયો સોશિયલ મીડિયા પર થઈ રહ્યો છે વાયરલ
તારક મહેતાના બાપુજી ઓનસ્ક્રીન દિકરાથી પણ ઉંમરમાં છે નાના
હવે તારક મહેતાનો એક વીડિયો સોશિયલ મીડિયા પર ખૂબ જ વાયરલ થઈ રહ્યો છે. જેમાં જેઠાલાલ, ટપુ અને બે બાળકો જોવા મળી રહ્યાં છે. તમને આ વાત જાણીને આશ્ચર્ય થશે કે વીડિયોમાં દેખાતા બંને બાળકો અમિત ભટ્ટ એટેલ કે બાપુજીના રિયલ લાઈફમાં ટ્વિન્સ બાળકો છે.
શોમાં અમિત ભટ્ટના બંને બાળકોને શોના આ એપિસોડમાં ટેલિકાસ્ટ કરવામાં આવ્યા હતા. બંનેનો રોલ મસ્તીખોર બાળકોનો હતો. જેઓ જેઠાલાલને ફોન પર પરેશાન કરતા જોવા મળે છે. હવે આ વીડિયો સોશિયલ મીડિયા પર ખૂબ જ વાયરલ થઈ રહ્યો છે.
તમને જણાવી દઈએ કે, અમિતના બંને બાળકો જ્યારે શોમાં જોવા મળ્યા ત્યારે બહુ જ નાના હતા. અત્યારે બંને મોટા થઈ ગયા છે અને ટિકટોક સ્ટાર છે. અમિત ભટ્ટની સાથે ટિકટોક વીડિયો પણ બનાવે છે.
ઉલ્લેખનીય છે કે, તારક મહેતામાં ભલે અમિત ભટ્ટ એક વૃદ્ધ બાપુજીનો રોલ પ્લે કરી રહ્યો છે પરંતુ અલસ જિન્દગીમાં તે તેના ઓનસ્ક્રીન દિકરા જેઠાલાલથી પણ નાનો છે. શોની વાત કરીએ તો કોરોના વાયરસને કારણે લોકડાઉન હોવાથી શોનું શૂટિંગ હાલ બંધ કરવામાં આવ્યું છે અને તેના રિપીટ એપિસોડ દેખાડવામાં આવી રહ્યાં છે.