અભિનેત્રી તાપસી પન્નુ અને ડાયરેક્ટર અનુરાગ કશ્યપે હાલમાં દર્શકોને અપીલ કરી હતી કે તેમની ફિલ્મ દોબારાને બૉયકૉટ કરવામાં આવે. હવે જ્યારે ફિલ્મને બૉયકૉટ કરાઈ રહી છે ત્યારે તાપસી પન્નુએ દર્શકો પાસેથી એક તક આપવાની અપીલ કરી છે.
તાપસી પન્નુએ પહેલા કરી હતી ફિલ્મ દોબારાને બૉયકૉટ કરવાની માંગ
હવે ફિલ્મને જોવા માટે દર્શકોને કરી રહી છે અપીલ
તાપસી પન્નુએ તેના ઈન્સ્ટાગ્રામ એકાઉન્ટ પર એક લાંબી પોસ્ટ લખી
તાપસી પન્નુ હવે પસ્તાઈ રહી છે!
લાલ સિંહ ચડ્ઢા અને રક્ષાબંધન જેવી ફિલ્મોને બૉયકૉટ થતા જોઇને અનુરાગ કશ્યપ અને તાપસી પન્નુએ હાલમાં લોકોને અપીલ કરી હતી કે તેમની ફિલ્મ દોબારાને પણ બૉયકૉટ કરવામાં આવે. ટ્વિટર પર બૉયકૉટ દોબારા ટ્રેન્ડ કરવામાં આવે. લાગે છે કે આવી અપીલ કરીને તાપસી પન્નુ હવે પસ્તાઈ રહી છે. તેમને દેખાયુ છે કે બૉયકૉટની માંગથી ફિલ્મની શું સ્થિતિ થશે ત્યારે તો તેમણે હવે બધાને અપીલ કરી છે કે તેઓ તેની ફિલ્મને જોવા જાય અને બૉયકૉટ ના કરશો.
યુઝર્સ ફિલ્મ દોબારાની કરી રહ્યાં છે ટીકા
તાપસી પન્નુ અને અનુરાગ કશ્યપને લાગ્યુ હતુ કે બૉયકૉટથી ફિલ્મને ફાયદો થાય છે. પરંતુ બૉયકૉટ કલ્ચરના કારણે લાલ સિંહ ચડ્ઢા અને રક્ષાબંધનની સ્થિતિ જોઇને તેઓ ડરી ગયા છે. તાપસી પન્નુની ફિલ્મ દોબારા 19 ઓગષ્ટે રિલીઝ થઇ અને રિલીઝ પહેલા જ ટ્વિટર પર બૉયકૉટ દોબારા ટ્રેન્ડ થવા લાગ્યું. ફિલ્મની બૉયકૉટની માંગ કરીને તાપસી પન્નુ અને અનુરાગ કશ્યપે કદાચ પોતાના પગ પર કુહાડી મારી છે. યુઝર્સ તેમની ફિલ્મની ખૂબ ટીકા કરી રહ્યાં છે.
તાપસીએ તેના ઈન્સ્ટાગ્રામ પર શેર કરી પોસ્ટ
દોબારાના બૉયકૉટની વચ્ચે તાપસી પન્નુએ તેના ઈન્સ્ટાગ્રામ એકાઉન્ટ પર એક લાંબી પોસ્ટ લખી છે. તાપસીએ કહ્યું છે કે ફિલ્મ બૉક્સ ઑફિસ પર ગમે તેવી પર્ફોમ કરે, પરંતુ તેમને આ ફિલ્મ પર ગૌરવ છે. તાપસીએ તેના ઈન્સ્ટાગ્રામ એકાઉન્ટ પર અનુરાગ કશ્યપ અને પ્રોડ્યુસર એકતા કપૂર અને સુનીલ ખેત્રપાલની લખેલી નોટ શેર કરી છે. આ સાથે કેપ્શમાં લખ્યું છે, ફિલ્મ રિલીઝ થયા પહેલા કરવામાં આવેલી સ્ક્રીનિંગમાં જે પ્રેમ અમને મળી રહ્યો છે, તેનાથી અમને અહેસાસ થાય છે કે બૉક્સ ઑફિસની સક્સેસના ચક્કરમાં અમે એક સારી ફિલ્મ બનાવવાની મજા કઈ રીતે ગુમાવીએ છીએ. અહીં નિર્માતાઓની એક નોટ શેર કરી રહી છુ, જેમાં એટલી હિંમત છે કે તેઓ દોબારા જેવી ફિલ્મની સાથે ઉભા થઇ શકે. આ નક્કી કરો કે ફિલ્મ થિયેટરમાં રિલીઝ થાય. અમે આ વાતની ઉજવણી કરીશુ કે એક એવા સમયમાં અમે એવી ફિલ્મ બનાવી શક્યા જેને સર્વાઈવ કરવા માટે સેફ પ્લે જ એકમાત્ર ઓપ્શન બચ્યુ છે. પછી તે બૉક્સ ઑફિસનુ પરિણામ ગમે તે હોય. અમે એક એવી ફિલ્મ બનાવી છે, જેના પર ગૌરવ છે. હું આશા રાખુ છુ કે દર્શકો અમને એક વખત તક આપે.