T20 વર્લ્ડકપમાં રવિવારે ભારત અને ન્યૂઝિલેન્ડની મેચ થવાની છે. બન્ને ટીમો માટે મેચ ઘણી જ જરૂરી છે, કારણ કે ભારત-ન્યૂઝીલેન્ડ પોતાની પહેલી મેચ હારી ચૂક્યા છે. આ વચ્ચે ન્યૂઝીલેન્ડના ફાસ્ટ બોલર ટ્રેન્ટ બોલ્ટે ભારતીય બેટ્સમેનોને ચેતવનારૂ નિવેદન આપ્યું છે.
T20 વર્લ્ડકપમાં રવિવારે ભારત અને ન્યૂઝિલેન્ડ વચ્ચે મેચ
ટીમ ઇન્ડિયા સામે એજ કરીશ જે શાહીને કર્યું હતુંઃ ટ્રેન્ટ બોલ્ટ
ટી-20 વર્લ્ડકપમાં ભારતે હજુ સુધી કોઈ મેચપમાં ન્યૂઝીલેન્ડને હરાવ્યું નથી
ટ્રેન્ટ બોલ્ટે કહ્યું કે, જેવી રીતે પાકિસ્તાનના શાહીન આફરીદિએ બૉલિંગ કરતા ટીમ ઇન્ડિયાને ફસાવી હતી, તે પણ એવું જ કરવા માંગે છે. ટ્રેન્ટ બોલ્ટે કહ્યું કે, તે દિવસે શાહીને જેમ ભારત વિરૂદ્ધ બૉલિંગ કરી, તે શાનદાર હતી, એક લેફ્ટ-આર્મર તરીકે તે ખુબ જ સારો અનુભવ હતો. આશા છે કે, જો સ્વિંગ મળે છે તો હું પણ તેવું જ કંઇ કરવા માંગુ છું. બોલ્ટે કહ્યું કે, ભારતીય ટીમ પાસે ખુબ સારા બેટ્સમેન છે, એટલા માટે ટૉપની વિકેટ લેવી જ અમારુ ફોકસ હશે.
ઉલ્લેખનીય છે કે, પાકિસ્તાનના ફાસ્ટ બોલર શાહીન આફરીદિએ ભારત વિરૂદ્ધ 3 વિકેટ લીધી હતી, તેમણે રોહિત શર્મા-કે.એલ. રાહુલની ઓપનિંગ જોડીને તોડી અને બાદમાં વિરાટ કોહલીની પણ વિકેટ લીધી હતી. ત્યારબાદ ટીમ ઇન્ડિયા મેચમાં વાપસી નહોતી કરી શકી, પાકિસ્તાને આ મેચમાં ભારતને 10 વિકેટથી હરાવ્યું હતું.
ન્યૂઝીલેન્ડના બૉલરે કહ્યું કે, અમારી શરૂઆત સારી નહોતી, તેવામાં તમામ ભારત વિરૂદ્ધ થનારી મેચને જીતવા ઇચ્છે છે. આ એક સારી ચેલેન્જ હશે, અમે આ મેચની રાહ જોઇ રહ્યા છીએ.
તમને જણાવી દઇએ કે ICC વર્લ્ડકપમાં જો છેલ્લા મુકાબલાઓને જોઈએ તો ન્યૂઝીલેન્ડનું પલડુ ભારે રહ્યું છે. ટીમ ઇન્ડિયાએ હાલમાં જ ટેસ્ટ ચેમ્પિયનશિપની ફાઇનલ, 2019 વર્લ્ડકપની સેમીફાઇનલમાં ન્યૂઝીલેન્ડના હાથે હાર્યું છે, તેવામાં ભારત આ હારનો બદલો લેવા માંગશે. ટી-20 વર્લ્ડકપમાં ભારતે હજુ સુધી કોઈ મેચપમાં ન્યૂઝીલેન્ડને હરાવ્યું નથી.