ટી-20 વર્લ્ડ કપ ફાઈનલમાં ઓસ્ટ્રેલિયાએ ન્યુઝીલેન્ડને હરાવ્યું. ત્યારબાદ ડેવિડ વોર્નરને પ્લેયર ઓફ ધ ટુર્નામેન્ટના ખિતાબથી નવાજવામાં આવ્યો. આ અંગે સોશિયલ મીડિયામાં પાકિસ્તાનના પૂર્વ દિગ્ગજ શોએબ અખ્તર નારાજ થયા છે.
ડેવિડ વોર્નરને પ્લેયર ઓફ ધ ટુર્નામેન્ટના ખિતાબથી નવાજવામાં આવ્યો
પાકિસ્તાનનો પૂર્વ દિગ્ગજ ક્રિકેટર શોએબ અખ્તર થયો નારાજ
ટી-20 વર્લ્ડ કપમાં બાબર આઝમ સૌથી વધુ રન બનાવનાર બેટર
અખ્તરે ટ્વિટ કરી નારાજગી દર્શાવી
અખ્તરે ટ્વિટ કરી પોતાની નારાજગી દર્શાવી છે. ટી-20 વર્લ્ડ કપમાં બાબર આઝમ સૌથી વધુ રન બનાવનાર બેટર છે. બાબરે 303 રન બનાવ્યાં છે અને વોર્નરે 289 રન. એવામાં અખ્તરે આ નિર્ણયનો અસ્વીકાર કર્યો. રાવલપિંડી એક્સપ્રેસના નામથી જાણીતા અખ્તરે ટ્વિટ કર્યુ અને લખ્યું, હકીકતમાં બાબર આઝમને પ્લેયર ઓફ ધ ટુર્નામેન્ટના ખિતાબથી નવાજવાને લઇને હું ખૂબ ઉત્સુક હતો. આ ખરેખર અયોગ્ય નિર્ણય છે.
Was really looking forward to see @babarazam258 becoming Man of the Tournament. Unfair decision for sure.
અખ્તરના ટ્વિટ બાદ લોકો તેના પર પ્રતિક્રિયા આપી રહ્યાં છે. પરંતુ બીજી તરફ વોર્નરે મોટી ટુર્નામેન્ટમાં શાનદાર ફોર્મમાં વાપસી કરી અને 289 રન બનાવ્યાં હતા. આ ટુર્નામેન્ટ પહેલાં વોર્નરની સ્થિતિ ખૂબ નાજુક હતી. તેમની પર ખૂબ દબાણ હતુ. આ દબાણને સહન કરીને વોર્નરે ટુર્નામેન્ટમાં આક્રમક બેટીંગ કરી અને ચાહકોનું દિલ જીતી લીધુ.
વોર્નરની ઈનિંગ યાદગાર
ફાઈનલ અને સેમીફાઈનલમાં વોર્નર દ્વારા રમવામાં આવેલી ઈનિંગ ખૂબ યાદગાર રહી. વોર્નરે સેમી ફાઈનલમાં પાકિસ્તાનની સામે 49 રન બનાવ્યાં હતા. બીજી તરફ ન્યુઝીલેન્ડની સામે ફાઈનલમાં 53 રન બનાવી ટીમને વિશ્વ ચેમ્પિયન બનાવવામાં મહત્વની ભૂમિકા નિભાવી હતી. નાજુક સ્થિતિ હોવા છતાં આટલી મોટી ટુર્નામેન્ટમાં પોતાના બેટર દ્વારા ટીમને ચેમ્પિયન બનાવી. આ એક મુખ્ય કારણ છે કે ડેવિડ વોર્નરને ટુર્નામેન્ટનો સર્વશ્રેષ્ઠ ખેલાડી જાહેર કરવામાં આવ્યો.