કચ્છમાં સ્વાઈન ફ્લુનો કહેર યથાવત 28 વર્ષીય યુવતીનું સારવાર દરમિયાન મોત

કચ્છમાં સ્વાઈન ફ્લુનો કહેર યથાવત જોવા મળ્યો છે. વધુ એક દર્દીનું સારવાર દરમિયાન મોત થયું છે. ભુજની 28 વર્ષીય યુવતીનું સ્વાઈન ફ્લૂથી મોત થયુ છે. આરોગ્ય વિભાગ સ્વાઇવ ફ્લૂના આંકડા બાબતે મૌન છે. 

ઉલ્લેખનીય છે કે કચ્છ પ્રદેશમાં છેલ્લા કેટલાક સમયગાળાથી સ્વાઈન ફ્લુ સતત પોજીટીવ કેસ પ્રકાશમાં આવી રહ્યા છે. તાજેતરમાં જ એક સાથે પાંચ સ્વાઈન ફ્લુના પોઝિટિવ કેસ નોધાયા છે. તો આ તરફ ચાલુ વર્ષે કચ્છ જીલ્લામાં ૧૪૩ પોજીટીવ કેસ નોધાયા છે. 

જિલ્લામાં બેકાબુ બનેલા સ્વાઇનફ્લુને ડામવા સ્થાનિક જિલ્લા આરોગ્ય વિભાગની ટીમ દ્વારા ઠેર-ઠેરના તાલુકામાં લોક જાગૃતિ સેમીનાર યોજવામાં આવી રહ્યા છે. ત્યારે લોકોમાં સ્વાઇન ફ્લુ અંગે જાગૃતિ માટેના તમામ પ્રયાસો કરવામાં આવી રહ્યા છે.

બેકાબૂ બનેલા સ્વાઇનફ્લુને કાબુમાં લેવા માટે સ્થાનિક વ્યવસ્થા તંત્ર દ્વારા સતત પગલા લેવામાં આવી રહ્યા છે તેમ છતાં ગઇકાલે ભુજ ખાતેની હોસ્પિટલમાં સારવાર લઇ રહેલી એક 28 વર્ષીય યુવતીનું સારવાર દરમિયાન જ મોત થતાં પરિવારજનોમાં શોકનું મોજું ફરી વળ્યું હતું.