ઓટોમોબાઈલ / Gypsyના ચાહકો માટે ખુશખબર, Maruti-Suzuki લાવી રહી છે શાનદાર કાર, કિંમત પરવડે એવી

• ગયા વર્ષે જ કંપનીએ Gypsyનું ઉત્પાદન બંધ કરી દીધું
• Jimmyમાં 1.5 લીટરનું 4 સિલેંડરયુક્ત પેટ્રોલ એન્જીન આપવામાં આવશે
• જો કાર 10 લાખમાં લોન્ચ કરવામાં આવે તો તે મહિન્દ્રાની tharને ખુબ ટક્કર આપશે

જોકે કંપનીએ અત્યાર સુધી આ કાર વિશે કોઈ આધિકારિક ઘોષણા કરી નથી

ભારતની પ્રમુખ કંપની સુઝુકી હવે એસયુવીમાં પોતાની પકડ બનાવવા માટે જાપાની કંપની સાથે મળીને નવી એસયુવી Jimmy પર કામ કરવાનું શરુ કર્યું છે. ગયા વર્ષે જ કંપનીએ Gypsyનું ઉત્પાદન બંધ કરી દીધું છે ત્યારે કંપની આ કાર દ્વારા Gypsyને રિપ્લેસ કરવા માંગે છે. સુઝુકી આ કારને નેક્સ્ટ જનરેશન જીપ્સીનાં રૂપમાં લાવી રહી છે. જોકે કંપનીએ અત્યાર સુધી આ કાર વિશે કોઈ આધિકારિક ઘોષણા કરી નથી. Jimmyમાં 1.5 લીટરનું 4 સિલેંડરયુક્ત પેટ્રોલ એન્જીન આપવામાં આવશે. આ એન્જીન 102psનું પાવર અને 130nmનું ટોર્ક જનરેટ કરશે. 

આ કારને ભારતીય બજારમાં 2022-2023માં લોન્ચ કરી શકાય છે. આ કાર 3-ડોરમાં લોન્ચ કરી શકે છે. જોકે ભારતીય ગ્રાહકોને ધ્યાનમાં રાખીને એક ઓફ રોડર કાર તરીકે તેને 5 ડોર વર્ઝનમાં પણ લોન્ચ કરી શકાય છે. 

છેલ્લાં બે ત્રણ વર્ષથી કંપનીનું ધ્યાન હેચબેક કાર પર 

નોંધનીય છે કે આર્થિક મંદી વચ્ચે એસયુવીની ખુબ સારી માંગ ભારતીય બજારમાં જોવા મળે છે. એવામાં મારુતિ સુઝુકી પણ તેનો ફાયદો ઉઠાવવા માંગે છે. છેલ્લાં બે ત્રણ વર્ષથી કંપનીનું ધ્યાન હેચબેક કાર પર છે. Jimmy વિશે કંઈ પણ કહેવું મુશ્કેલ છે પરંતુ એક્સપર્ટનું માનીએ તો આ કાર 10 લાખમાં ભારતમાં લોન્ચ કરી શકાય છે જે મહિન્દ્રાની tharને ખુબ ટક્કર આપશે.