ભચાઉમાંથી દારૂ ઝડપાવાને મામલે PI સહિત 5 પોલીસકર્મીને કર્યા સસ્પેન્ડ

કચ્છના ભચાઉમાંથી 34.58 લાખનો વિદેશી દારૂ ઝડપાવા મામલે હવે રેન્જ IGએ ભચાઉના બેદરકાર પોલીસકર્મીઓ પર કાર્યવાહી હાથ ધરી છે. ભચાઉના PI સહિત 5 જેટલા પોલીસકર્મીને સસ્પેન્ડ કરી દેવામાં આવ્યા છે.

આ ઉપરાંત કેટલાક પોલીસકર્મીઓની બદલી કરી દેવામાં આવી છે. તમને જણાવી દઇયે કે શિકરા ગામની સીમમાંથી 34.58 લાખનો વિદેશી દારૂ ઝડપાયો હતો. તે સમયે ટ્રક સહિત કુલ 8 જેટલા વાહન જપ્ત કરાયા હતા.

જોકે સ્થળ પરથી 5 બુટલેગર નાસી છૂટયા હતા. જ્યારે 4 શ્રમજીવી ઝડપાયા હતા. આ રેડમાં સ્થાનિક પોલીસની નિક્રીયતા અને બેદરકારી ઉજાગર થતાં રેન્જ આઈજીએ આ કાર્યવાહી હાથ ધરી છે.