એક્ટ્રેસ સુષ્મિતા સેન તેની ફિટનેસને લઈને હમેશાં ચર્ચામાં રહે છે. લોકડાઉન દરમિયાન પણ તે પોતાની ફિટનેસનું ધ્યાન રાખવામાં કોઈ જ કસર છોડી નથી રહી. ત્યારે તે અવારનવાર વર્કઆઉટ કરતાં વીડિયો અને ફોટોઝ સોશિયલ મીડિયા પર શેર કરતી રહે છે. તો હાલમાં જ તેણે બોયફ્રેન્ડ રોહમન શોલ સાથે વર્કઆઉટ કરતો એક વીડિયો શેર કર્યો છે જે ખૂબ વાયરલ થઈ રહ્યો છે.
સુષ્મિતાનો એક વીડિયો સોશિયલ મીડિયા પર મચાવી રહ્યો છે ધૂમ
સુષ્મિતા સેનએ વર્કઆઉટ કરતો વીડિયો શેર કર્યો છે તેમાં સુષ્મિતા અને તેનો બોયફ્રેન્ડ રોહમન ટફ વર્કઆઉટ પોઝ આપી રહ્યાં છે. આ વીડિયો દ્વારા સુષ્મિતાએ કપલ્સને રિલેશનશિપને લઈને સલાહ પણ આપી છે. વીડિયોમાં રોહમન સુષ્મિતાને ઉઠાવીને બેલેન્સ કરી રહ્યો છે. બંને વચ્ચે કમાલની કેમિસ્ટ્રી અને બેલેન્સ જોવા મળી રહ્યું છે. બોયફ્રેન્ડની મદદથી સુષ્મિતાએ આ ટફ પોઝ કર્યો છે.
આ વીડિયો શેર કરતા સુષ્મિતાએ લખ્યું- મારા ટફ રોહમન શોલ આઈ લવ યૂ. એક સ્ટેબલ રિલેશનશિપ માટે બેસેન્સ, ફ્લેક્સિબલ માઈન્ડ, મ્યુચ્યુઅલ સ્ટ્રેન્થ અને વિશ્વાસની જરૂર હોય છે. આ પોશ્ચર કેટલો સિમ્બોલિક છે. સુષ્મિતાની આ પોસ્ટ પર ફેન્સ ખૂબ કમેન્ટ કરી રહ્યાં છે. ફેન્સને આ વીડિયો ખૂબ જ ઈન્સ્પાયરિંગ લાગ્યો અને ખૂબ પસંદ આવી રહ્યો છે. બંનેની જોડીની પણ ફેન્સ ખૂબ પ્રસંશા કરી રહ્યાં છે.
તમને જણાવી દઈએ કે, સુષ્મિતાએ પહેલીવાર બોયફ્રેન્ડ સાથે વર્કઆઉટ વીડિયો શેર કર્યો છે એવું નથી. આ પહેલાં પણ બંનેની ઘણાં વીડિયો સામે આવી ચૂક્યા છે. સુષ્મિતા અને રોહમન લોકડાઉનમાં સાથે સમય વિતાવી રહ્યાં છે. બંને અવારનવાર સોશિયલ મીડિયા પર એકબીજા પ્રત્યે પ્રેમનો એકરાર કરતા જોવા મળે છે. તેમની જોડી ફેન્સને ખૂબ જ પસંદ છે.