દિવંગત બોલિવૂડ એક્ટર સુશાંત સિંહ રાજપૂતની છેલ્લી ફિલ્મ 'દિલ બેચારા'નું રોમેન્ટિક સોન્ગ 'તારે ગિન' 15 જુલાઈએ રિલીઝ કરવામાં આવ્યું છે. આ સોન્ગને સોશિયલ મીડિયા પર સારો રિસ્પોન્સ મળી રહ્યો છે. આ સોન્ગમાં સુશાંત અને તેની કો-સ્ટાર સંજના સાંઘી રોમેન્ટિક અંદાજમાં જોવા મળી રહ્યાં છે. યૂટ્યૂબ પર આ સોન્ગ ટોપ ટ્રેન્ડિંગમાં સામેલ થઈ ગયો છે અને થોડાં જ કલાકમાં આ સોન્ગને 6 મિલિયનથી વધુ વ્યૂઝ મળ્યા છે. દિલ બેચારાના ડિરેક્ટર મુકેશ છાબડાએ કહ્યું કે, આ રોમેન્ટિક સોન્ગ ફિલ્મનો મહત્વનો ભાગ છે. ત્યારે હવે આ સોન્ગનો મેકિંગ વીડિયો સોશિયલ મીડિયા પર ખૂબ વાયરલ થઈ રહ્યો છે.
સુશાંતની છેલ્લી ફિલ્મ દિલ બેચારાનું 'તારે ગિન' રિલીઝ થયું
ફિલ્મના ડિરેક્ટરે આ સોન્ગનો મેકિંગ વીડિયો કર્યો શેર
આ વીડિયો મુકેશ છાબડાએ તેમના ઈન્સ્ટાગ્રામ એકાઉન્ટ પર શેર કર્યો છે. જેમાં સુશાંતનો અંદાજ તેના ફેન્સને ખૂબ જ પસંદ આવી રહ્યો છે. વીડિયો શેર કરીને મુકેશ છાબડાએ કેપ્શનમાં લખ્યું-તારે ગિન સોન્ગ આવી રહ્યો છે. બસ પ્રેમ આપજો. બંને બહુ જ સારા લાગી રહ્યાં છે. હકીકતમાં મુકેશ છાબડાએ સોન્ગની રિલીઝ પહેલાં આ વીડિયો શેર કર્યો હતો. જેના દ્વારા તેમણે દર્શકોને આ સોન્ગ રિલીઝ થવાની જાણકારી આપી હતી.
— Mukesh Chhabra CSA (@CastingChhabra) July 14, 2020
તમને જણાવી દઈએ કે, સુશાંતના આ સોન્ગને જોઈને લોકો પ્રતિક્રિયા આપી રહ્યાં છે અને એક્ટરને યાદ કરી રહ્યાં છે. સુશાંત અને સંજનાની જોડી આ સોન્ગમાં શાનદાર લાગી રહી છે. આ પહેલાં ફિલ્મનું ટાઈટલ ટ્રેક રિલીઝ કરવામાં આવ્યું હતું. જેને લઈને ફરાહ ખાને ખુલાસો કર્યો હતો કે, સુશાંતે સિંગલ ટેકમાં આ સોન્ગ શૂટ કરી લીધો હતો.
A post shared by Dil Bechara! (@dilbecharaofficial) on
હાલમાં જ તારે ગિન સોન્ગના મહત્વ વિશે વાત કરતા મુકેશ છાબડાએ જણાવ્યું કે- આ સોન્ગ બહુ જ ઈમ્પોર્ટેન્ટ છે. તમે એક લવ સોન્ગ વિના એક લવ સ્ટોરી ના બનાવી શકો. સંગીત એક પ્રેમ કહાનીનો મહત્વનો ભાગ છે અને મૈં આ સોન્ગનું પિક્ચરાઈઝેશન ખૂબ જ સરળ રાખ્યું છે. સાંજે કોલેજ પ્રોગ્રામનો એક શોટ હતો, અમે વાતાવરણને બોરિંગ નહોતા કરવા માંગતા અને તેને રિયલ રાખવા માંગતા હતા. રિયલ પરંતુ બ્યૂટીફુલ.