સુશાંત સિંહ રાજપૂત કેસમાં એકવાર ફરીથી ઈડીની તપાસ શરૂ થઈ છે. આ કેસમાં ઈડીના હાથ સુશાંતને કરાયેલા કરોડો રૂપિયાના પેમેન્ટને લઈને એક ખુલાસો સામે આવ્યો છે. સૂત્રો દ્વારા મળતી માહિતી અનુસાર સુશાંતને તેમની એક ફિલ્મ માટે સંદિગ્ધ પેમેન્ટ કરાયું હતું આ રકમ અંદાજે 17 કરોડ રૂપિયાની માનવામાં આવી રહી છે.
સુશાંત સિંહ રાજપૂત કેસમાં નવો વળાંક
ઈડીની તપાસમાં થયો નવો ચોંકાવનારો ખુલાસો
એક ફિલ્મ માટે 17 કરોડ રૂપિયાનું પેમેન્ટ કરાયું
સૂત્રોએ કહ્યું કે આ પેમેન્ટને લઈને તપાસ ચાલી રહી છે. 17 કરોડનું આ પેમેન્ટ 2017માં સુશાંતની ફિલ્મ રાબતા માટે કરાયું હતું. ગયા મહિને આ વિશે પૂછપરછ કરાઈ છે. દિનેશને પેમેન્ટ સંબંધી કાગળ જમા કરાવવા કહેવાયું હતું પણ તેઓ શૂટિંગમાં વ્યસ્ત હોવાથી ડિટેલ આપી શક્યા ન હતા.
ઓવરસીઝ શૂટિંગ માટે ફિલ્મ નિર્માતાઓને પેમેન્ટ માટે કેટલીક રકમ આપવામાં આવે છે. દેશમાં શૂટિંગ પર ખર્ચ કરાયેલા કુલ બજેટના 20 ટકા રહે છે. વિદેશી સરકારોને ખાસ કરીને યૂરોપિયન દેશોની સરકાર વધારે ખર્ચની જાણકારી આપે છે જેથી વધુ પેમેન્ટનો લાભ મળી રહેય આ રૂપિયાને ફિલ્મના અભિનેતા અભિનેત્રીના પેમેન્ટ માટે ઉપયોગ કરી શકે. આ રૂપિયા સંબંધિત દેશના ચેનલની મદદથી ભારતમાં મોકલાય છે.
કાગળ જમા નહીં કરાવવા બદલ કરાઈ કાર્યવાહી
બોલિવૂડ પ્રોડ્યુસર્સ દ્વારા કરાતા રૂપિયાની લેવડ દવેડ વિશે પહેલાં 14 ઓક્ટોબરે જાણકારી અપાઈ હતી. ત્યાર પછી કાગળ જમા ન કરાવવા માટે કાર્યવાહી કરવામાં આવી હતી. તેઓએ બુડાપેસ્ટમાં ઘર સંબંધિત કાગળ જમા કરાવ્યા હતા. કાગળના આધારે ફિલ્મનું બજેટ 50 કરોડનું હતું જેમાંથી 17 કરોડ રૂપિયા સુશાંતને આપવામાં આવ્યા હતા.
ઈડીએ ફરી મની લોન્ડ્રિંગની તપાસ શરૂ કરી
ઉલ્લેખનીય છે કે સુશાંતના મોત બાદ તેમના પિતાએ રિયા ચક્રવર્તીની વિરુદ્ધમાં 15 કરોડ રૂપિયા ગાયબ કરવાનો આરોપ લગાવ્યો હતો. તેના આધારે ઈડીએ ફરી મની લોન્ડ્રિંગની તપાસ શરૂ કરી. હવે 17 કરોડ રૂપિયાની પેમેન્ટને લઈને તપાસ શરૂ કરૂ છે. હવે 17 કરોડ રૂપિયાની મિસિંગ પેમેન્ટને લઈને પ્રોડ્યુસર દિનેશ વિજાન સવાલોમાં ઘેરાયા છે. જ્યારે એજન્સીએ તેમને સમન મોકલ્યું અને કોરોના હોવાની વાત કહી. તેઓએ પોતાનું મેડિકલ સર્ટિફિકેટ બતાવ્યું હતું.
દિનેશ વિજાન સિવાય ઈડીએ છેલ્લા કેટલાક દિવસોથી સુશાંતની બિઝનેસ મેનેજર શ્રુતિ મોદી અને સુશાંતનું એકાઉન્ટ સંભાળી રહેલા ઉદય સિંહ ગૌરીની પૂછપરછ શરૂ કરી છે. હાલમાં મની લોન્ડ્રિંગને લઈને ઈડીની અત્યાર સુધીની તપાસમાં રિયા ચક્રવર્તીની વિરુદ્ધમાં કોઈ સબૂત મળ્યા નથી.