ગુજરાતના મંત્રીએ આજે મામલતદાર કચેરીમાં સરપ્રાઈઝ ચેકિંગ કર્યુ હતું. અચાનક મંત્રીજીને જોઈને અધિકારીઓ અને કર્મચારીઓ ચોંકી ગયા હતા.
મહેસૂલ મંત્રીની સરપ્રાઇઝ વિઝિટ
સેવાસદનમાં સરપ્રાઇઝ વિઝિટ
મામસતદાર કચેરીનું કર્યું નિરિક્ષણ
હકીકતમાં રાજ્યના મહેસૂલ મંત્રી રાજેન્દ્ર ત્રિવેદીએ આજે આણંદ જિલ્લાના પેટલાદ તાલુકાની મામલતદાર કચેરીની સરપ્રાઈઝ વિઝિટ કરી હતી. સેવા સદનમાં મંત્રીને જોઈ અધિકારીઓ અને કર્મચારીઓ સ્તબ્ધ થઈ ગયા હતા.
ખુદ ફોર્મ લઈને એક પછી એક જગ્યા પર ફર્યા
મહેસૂલ મંત્રીએ કચેરીમાં અરજીઓ લઈને આવેલા લોકો સાથે વાતચીત કરી હતી અને તેમની સમસ્યાઓને લઈને નિરીક્ષણ કર્યુ હતું. આ દરમ્યાન તેમણે ખુદ એક મહિલા પાસેથી અરજીનું ફોર્મ લઈને તેના સમાધાન માટે એક પછી એક જગ્યાએ ફર્યા હતા.
ધક્કા ખવડાવતા કર્મચારીનો લીધો ઉધડો
આ દરમ્યાન મંત્રીએ લોકોને ધક્કા ખવડાવતા એવા કર્મચારીઓનો ઉધડો લીધો હતો અને અરજીઓના ઝડપી નિકાલની તાકીદ કરી હતી. તેમણે મહિલા કર્મચારીને ટકોર કરતા કહ્યું હતું કે સમસ્યાનું સમાધાન 2 દિવસમાં થઈ જવું જોઈએ હા કે ના. જો ના થાય તો કેમ ન થાય તેનું કારણ પણ આપવું પડશે. મંત્રીજીએ ત્યાં હાજર લોકોને કહ્યું હતું કે જો સમસ્યાનું સમાધાન તાત્કાલિક ન આવે તો તેમના સુધી જાણકારી પહોંચાડવી.