સુરતમાં એવી ચોંકાવનારી ઘટના બની કે ભવિષ્યમાં આવી ઘટના ન બને તે માટે તમામ ગૃહિણીઓએ ધ્યાન રાખવું પડશે. જુઓ શું થઇ શરતચૂક કે બની દુર્ઘટના.
વરાછામાં મહિલા ત્રીજા માળેથી નીચે પટકાઇ
ઘરની સફાઇ કરતા મહિલા નીચે પટકાઇ
ત્રીજા માળેથી નીચે પટકાતા મહિલાનું મૃત્યુ
હાલ દિવાળી નજીક આવી રહી છે ત્યારે મહિલાઓ ઘરની સાફસફાઈ કરવા લાગી છે. તેવામાં સુરતના વરાછમાં એક ચેતવણી રૂપ કિસ્સો સામે આવ્યો છે. સુરતના વરાછા વિસ્તારમાં એક મહિલા સાફસફાઇ કરતી હતી તે દરમિયાન 3જા માળેથી મહિલા નીચે પડકાઇ હતી. જેને લઇને મહિલાનું ઘટનાસ્થળે મોત નિપજ્યું હતું. આ ઘટના CCTV કેમેરામાં કેદ થઇ છે.
મહિલાનું આકસ્મિક મોત થતા પરિવારમાં શોકનું મોજું ફરી વળ્યું છે. તો આ પરિવારજનો પણ બધાને સલાહ આપી રહ્યા છે કે, સફાઇ દરમિયાન ખોટી ઉતાવળ ન કરવી, સાવધાની રાખવી જોઇએ. જોકે આ મામલે પોલીસે અકસ્માતનો ગુનો નોંધીને વધુ તપાસ શરૂ કરી છે.
ભાવનગરના ગારિયાધારના સાતડા ગામના વતની અને હાલ સુરતમાં રહેતા લલિતાબેન જોગાણી સફાઈ દરમિયાન પોતાના ઘરેના 3જા માળે નીચે પડકાયા હતા. બાદમાં બાજુમાં ઉભેલા યુવકે મહિલાને ઊંચક્યા હતા. જોકે તેઓ ગંભીર રીતે ઇજાગ્રસ્ત થયા હતા, જેને લઇને તેમનું મોત થયું હતું.