સુરતના ડિંડોલી વિસ્તારમાં પોલીસ બિનગુજરાતીઓને પોત પોતાના વતન પરત જવા માટે કહી રહી હોવાના વીડિયો વાયરલ થયો છે. પોલીસ એવી ચેતવણી આપી રહી છે કે જો લોકડાઉન થશે તો તમને નહીં જવા દેવામાં આવે તમે તમારા પોત પોતાના વાહનો લઈ જઈને વતન પહોંચી શકો છો. એટલું જ નહીં પોલીસ એમ પણ કહી રહી છે કે તમારા જમવાની વ્યવસ્થા સાંજ સુધીની જ છે. બીજી બાજુ પરપ્રાંતિયોને તેમના જ વતનથી પરત ગુજરાત મોકલાઈ રહ્યા છે.
સુરત પોલીસનો વીડિયો થયો વાયરલ
પોલીસ આપી રહી છે બિનગુજરાતીઓને ચેતવણી
બે દિવસમાં શહેર છોડવાની આપી રહી છે ચેતવણી
સુરત પોલીસનો વીડિયો વાયરલ થયો છે. પોલીસ બિનગુજરાતીઓને ચેતવણી આપી રહી છે. બે દિવસમાં શહેર છોડવાની ચેતવણી આપી રહી છે. લોકડાઉન કડક થશે તો તમને બિલ્ડિંગથી નીચે નહીં ઉતરવા દઇએ. પોતાના વાહનો લઇને વતન જવા માટે કહી રહી છે. આ વીડિયો ડિંડોલી વિસ્તારનો હોવાનું અનુમાન છે.
પોલીસ રીતસર પરપ્રાંતિયોને કહી રહી છે કે જે સાધન મળે તેમાં ઘરભેગા થાયો કારણ કે તમારા જમવાની વ્યવસ્થા ખાલી સાંજ સુધીની જ છે.
યુપીથી બસ સુરત પાછી આવી
સુરતથી ઉત્તરપ્રદેશ રવાના થયેલી બસને પરત મોકલવામાં આવી છે. બિન ગુજરાતીઓને વતન પરત મોકલવા બસ રવાના કરવામાં આવી હતી. આ બસને પાવાગઢથી પરત મોકલવામાં આવી છે.
તંત્રની લાલીયાવાડીથી મજૂરો અટવાયા
સચિન GIDC ખાતે બસ પરત આવી છે. સરકારની મંજૂરી છતાં બસ પરત ફરી છે. તંત્રની લાલીયાવાડીથી મજૂરો અટવાયા છે. ભૂખ્યા તરસ્યા મજૂરોની હાલત કફોડી બની છે.