ક્રાઈમ / સુરતના સરથાણામાં સ્પાની આડમાં ધમધમતા કુટણખાનાનો પર્દાફાશ, થાઈલેન્ડની 3 યુવતીઓ સહિત 7ની ધરપકડ

• સરથાણા વિસ્તારમાં ઝડપાયું કુંટણખાનું 
• થાઈલેન્ડની 3 યુવતીઓની ધરપકડ
• સ્પાની આડમાં ચાલતું હતું કુટણકાનું 

અવનવી ગુનાખોરીને લઈને સુરત પહેલાથી પ્રખ્યાત છે. ડાયમંડ સીટીમાં વધતી જતી ગુનાખોરી હવે એક ચિંતાનો પ્રશ્ન બન્યો છે. ત્યારે વધુંમાં ફરી શહેરના સરથાણા વિસ્તારમાં એક ચોંકાવનારો કિસ્સો સામે આવ્યો છે. સરથાણામાં સ્પાની આડમાં સંચાલકો કુટણખાનું ચલાવતા હતા. જે મામલે પોલીસને જાણ થતા પોલીસે ત્યા પહોચીને રેડ કરી હતી. 

થાઈલેન્ડની 3 યુવતીઓની ધરપકડ 

પોલીસે જ્યારે સ્પા પર જઈને રેડ કરી હતી, તે સમયે ત્યા 3 થાઈલેન્ડની યુવતીઓ હાજર હતી જેની પોલીસ ધરપકડ કરી છે. આ મામલે પોલીસે ત્રણ યુવતીઓ સહિત 7 આરોપીઓની ધરપકડ કરી હોવાનું સામે આવ્યું છે. બધાજ આરોપીઓને આજે તેમની કરતૂતને કારણે જેલના સળીયા ગણવાનો વારો આવ્યો છે. 

કુલ 7 આરોપીઓની ધરપકડ 

સરથાણા વિસ્તારમાં આવેલ રાજ ઈમ્પોરિયલમાં આરોપીઓ સ્પા સેન્ટરની આડમાં કુટણખાનું ચલાવતા હતા. સંચાલક સ્પા સેન્ટરમાં નાની નાની કેબિન બનાવીને કુટણખાનું ચલાવી રહ્યો હતો. જે મામલે પોલીસને બાતમી મળી હતી. બાતમીને આધારે પોલીસે સ્થળ પર રેડ કરી અને કુલ 7 આરોપીઓને ઝડપી પાડ્યા છે. 

સ્પાની આડમાં કુટમખાનું ચલાવતા હતા 

રાજ ઈમ્પોરિયલમ શોપિંગ સેન્ટરમાં આરોપઓ સ્પર્શ સ્પા નામની દુકાનમાં કુટણખાનું ચલાવી રહ્યા હતા. જે મામલે પોલીસને બાતમી મળી હતી. બાતમીને આધારે પોલીસે રેડ કરી અને તેમની બાતમી ખરી નીવડી હતી. 

યુવતીઓ ટૂરિસ્ટ વીઝા પર ભારતમાં આવી હતી 

પોલીસની તપાસમાં સામે આવ્યું છે કે જે થાઈલેન્ડની યુવતીઓની સ્પા સેન્ટરમાંથી ધરપકડ કરવામાં આવી છે. તે યુવતીઓ ટૂરિસ્ટ વીઝા પર ભારતમાં આવી હતી. સાથેજ આરોપીઓ જે જગ્યાએ કુટણખાનું ચલાવી રહ્યા હતા. તે જગ્યા પણ તેમણે ભાડેથી લીધી હતી.