સુરત / પેટ્રોલ ભરાવવા આવેલા યુવકની બાઈકમાં અચાનક લાગી આગ

સુરતમાં પેટ્રોલ પંપ (Petrol pump) પર પેટ્રોલ પૂરાવવા આવેલા એક યુવકની બાઈકમાં અચાનક આગ લાગતા પેટ્રોલપંપ પર હાહાકાર મચી ગયો હતો પણ સદનસીબે પેટ્રોલ પંપના કર્મચારીઓએ સમયસૂચકતા વાપરીને આગ પર કાબૂ મેળવતા મોટી દુર્ઘટના ટળી હતી. 

આ ઘટના ગઈ કાલની છે પણ સમગ્ર ઘટનાના સીસીટીવી ફૂટેજ આજે સામે આવ્યા છે. સીસીટીવી ફૂટેજમાં જોઈ શકાય છે તેમ એક યુવક પેટ્રોલ પૂરાવી રહ્યો છે. ત્યારે તેની પાછળ એક અન્ય યુવક બાઈક લઈને પેટ્રોલ પુરાવવા માટે આવે છે, પણ જોત જોતામાં આ બાઈકની પેટ્રોલ ટાંકી લીક હોવાથી કોઈ કારણોસર આગ લાગે છે અને થોડી વાર માટે પેટ્રોલ પંપ પર હાહાકાર મચી જાય છે, પણ આગ પર કાબૂ મેળવાતા લોકોએ રાહતના શ્વાસ લીધા હતા.