VIDEO / ફિલ્મને પણ આંટી દે તેવી સુરતની મર્ડર મિસ્ટ્રી ઉકેલાઈ, વર્ષો પહેલા ખુન કરીને લાશને ચણી દીધી દિવાલમાં

• 4 વર્ષ પહેલાની હત્યાનો ખુલ્યો ભેદ
• લાશને ચણી દીધી હતી દિવાલમાં
• FSLની હાજરીમાં તપાસ ચાલી રહી

સુરતમાં 4 વર્ષ પહેલાં થયેલી હત્યાનો ભેદ ઉકેલાયો છે. સુરતના પાંડેસરા પોલીસને સફળતા મળી હતી. હત્યાના ગુનાનો એક આરોપી પકડાતા ભેદ ઉકેલાયો છે. હત્યા કરી લાશને મકાનના દીવાલમાં ચણી દીધી હતી. દિવાલ તોડી લાશ બહાર કાઢવાની કામગીરી શરૂ કરી છે. 4 વર્ષ પહેલાં બાતમીની શંકાના આધારે હત્યા કરી હતી. પાંડેસરા પોલીસ અને FSL ટિમ ઘટના સ્થળે પહોંચી છે. 

FSLની હાજરીમાં તપાસ ચાલી રહી

આ હત્યા અંગે માહિતી આપતા એસીપી જે. કે. પંડ્યાએ પત્રકારો સાથે વાત કરતાં જણાવ્યું હતું કે, વર્ષ 2015માં શિવમ ઉર્ફે કિશનની હત્યા થઈ હતી. હાલ, એક્ઝિક્યુટિવ મેજિસ્ટ્રેટ અને  FSLની હાજરીમાં તપાસ ચાલી રહી છે. પોલીસ દ્વારા હાલ, તો વધુ કોઈ માહિતી આપવામાં આવી નથી. તપાસ પછી વધુ વિગતો સામે આવશે.

કોણ છે આરોપી

રાજુ બિહારી નામના આરોપીએ 19 વર્ષીય શિવમની હત્યા કરી નાંખી હતી. અંગત અદાવતમાં હત્યા કર્યા પછી લાશ મકાનની દિવાલમાં ચણી દીધી હતી. પાંડેસરા પોલીસ અને FSL ટીમ ઘટના સ્થળે પહોંચી છે.