એક તરફી પ્રેમમાં પાગલ હત્યારા ફેનિલે ગ્રીષ્માની જાહેરમાં હત્યા કરી હતી. જેથી આ ઘટનાને લઈને લોકોમાં રોષનો માહોલ ફેલાયો છે.
સુરતમાં ગ્રીષ્માના પરિવારજનો સાથે CMની વાતચીત
CM ભૂપેન્દ્ર પટેલે વીડિયો કોન્ફરન્સથી કરી ચર્ચા
મૃતક ગ્રીષ્માના પરિવારને ન્યાય આપવાની આપી બાંહેધરી
સુરતની દિકરી ગ્રીષ્માને આજે ભાવભીની વિદાય આપવામાં આવી જેમા મોટી સંખ્યામા લોકો તેની અંતિમ યાત્રામાં જોડાયા હતા. ત્યારે ગ્રીષ્માની હત્યા મામલે CM ભૂપેન્દ્ર પટેલે પીડિત પરિવાર સાથે વાતચીત કરી છે.વીડિયો કોન્ફરન્સથી થયેલી પરિવાર સાથે વાતમાં CMએ કડક કાર્યવાહી અને તપાસના આપ્યા આદેશ આપ્યા હોવાનું કહ્યું હતુ. સાથે જ પરિવારને આ દૂખની ઘડીમાં દિલાસો પણ આપ્યો હતો અને ઝડપી ન્યાય મળશે તેવી બાંહેધરી આપી હતી.
આજે ગ્રીષ્માના હતા અંતિમ સંસ્કાર, મોટી સંખ્યામાં લોકો જોડાયા
મોટી સંખ્યામાં લોકો આજે ગ્રીષ્માની અંતિમ યાત્રામાં જોડાયા હતા. જેમા તેમણે તેને ભાવભીની વિદાય આપી હતી. યાત્રામાં જેટલા પણ લોકો હાજર રહ્યા હતા દરેકની આંખમાં પામી જોવા મળ્યા હતા. ખાસ કરીને ગ્રીષ્માના પરિવાર ન તો કોઈને કહી શકે કે ન તો સહી શકે તેવી પરિસ્થિતીમાં જોવા મળ્યો હતો. અંતિમયાત્રામાં કામરેજ ભાજપના ધારાસભ્ય વીડી ઝાલાવડીયાએ પણ ગ્રીષ્માના પરિવારની મુલાકાત લીધી હતી. સાથેજ આમ આદમી પાર્ટીના નેતાઓ પણ આ યાત્રામાં જોડાયા હતા અને પરિવારજનોને મળીને તેમને સાંત્વના આપી હતી આ સિવાય ગુજરાત કોંગ્રેસના નેતાઓએ પણ પરિવારની મુલાકાત કરી હતી.
ગ્રીષ્મા બચાવો બચાવો કરગરતી હત્યારે બેહીચક સરાજાહેર ગળું કાપી નાખ્યું
13 ફેબ્રુઆરીએ બનેલા આ બનાવ પર નજર કરીએ તો છેલ્લા ઘણા દિવસથી હત્યારો ફેનિલ યુવતી ગ્રીષ્માનો પીછો કરી રહ્યો હતો. થોડા દિવસ અગાઉ યુવતીના મોટા પિતા દ્વારા યુવકને ઠપકો પણ આપવામાં આવ્યો હતો.આજે અચાનક છરી જેવા ધારદાર હથિયાર સાથે લઈ યુવતીના ઘર બહાર તોફાન મચાવ્યું હતું.
જે બાદ યુવતીના મોટા પિતાએ ગુસ્સે થઈ યુવકને હાંકી કાઢતા છરીથી હુમલો કરી દીધો હતો.યુવતી વચ્ચે પડતા યુવતીને બંધક બનાવી લોકોને આસપાસ ન આવવા ધમકી આપી રહ્યો હતો. ઘણા લોકો હતા પણ ડરના માર્યા દૂર ઊભા રહી તમાશો જોતાં રહ્યા હતા. યુવકે અચાનક યુવતીનો ભાઈ છોડવા જતા યુવતીના ગળા પર છરી હુલાવી દીધી હતી અને ક્રૂરતાપૂર્વક હત્યા કરી નાખી હતી.