કાર્યવાહી / GUJCTOCની ફરિયાદ બાદ ગુજરાત છોડીને ભાગેલા સુરતના ગેંગસ્ટરના સાજુ કોઠારીની મુંબઈથી ધરપકડ

• સુરતના માથાભારે સાજુ કોઠારીની ધરપકડ
• અમદાવાદ ATSએ મુંબઇથી ઝડપી પાડ્યો
• નાનપુરાના સજ્જુ કોઠારી ગેંગ સામે ગુજસીટોક

સુરત શહેરના નાનપુરા જમરૂખગલીમાં રહેતા માથાભારે સાજુ ઉર્ફે સજ્જુ ગુલામ મોહંમદ કોઠારીની અમદાવાદ ATSએ મુંબઈની હોટલમાંથી ધરપકડ કરી લીધી છે. નાનપુરાની સજ્જુ કોઠારી ગેંગ સામે ગુજસીટોકની ફરિયાદ નોંધાયેલી છે. તો હત્યા, અપહરણ, લૂંટ અને ખંડણી જેવા ગુનાની પણ ફરિયાદ નોંધાયેલી છે. સાજુ કોઠારી ગેંગ સામે 15થી વધુ ગુના નોંધાયા છે. આ સાજુએ પોતે વિલન હોય તેવી ડોક્યુમેન્ટ્રી ફિલ્મ બનાવી છે.

પોલીસ પર હુમલો કરવા, ધમકી આપવા, રૂપિયા અને જમીન પડાવી લેવા સહિતના અનેક ગુનાઓ તેમના વિરૂદ્ધ દાખલ થઇ ચૂક્યા છે. અગાઉ તેમની ધરપકડ પણ થઇ ચૂકી છે. જોકે ફેબ્રુઆરી મહિનામાં સુરતમાં પાંચમી ગેંગ સામે ગુજસીટોકનો ગુનો નોંધવામાં આવ્યો હતો. સુરત કોઠારી ગેંગ સામે ગુજસીટોક ગુનો નોંધાયો છે. સજ્જુ કોઠારી સહિત કોઠારી ગેંગના 8 શખ્સો વિરૂદ્ધ ફરિયાદ નોંધાઈ હતી. સુરત પોલીસે અગાઉ 8માંથી 5 આરોપીને ઝડપી પાડ્યા હતા. સજ્જુ કોઠારીના ભાઈ યુનુસ કોઠારીની અટકાયત કરાઇ હતી. ત્યારે હવે ફરાર મુખ્ય સૂત્રધાર સજ્જુ કોઠારીની પણ ધરપકડ કરી લેવામાં આવી છે.