સુરતની સરાથાણા પોલીસે વાહન ચોરી કરતા ચોરીનુ મોટુ નેટવર્ક ઝડપી પાડયુ છે.પોલીસે મધ્યપ્રદેશના અલીરાજપુરમાંથી 5 આરોપીઓની ધરપકડ કરીને 19 બાઈક કબ્જે કરી છે.આ તમામ આરોપીઓ સુરત સહિતના શહેરોમાંથી વાહનોની ચોરી કરતી હતી.
આ આરોપીઓને ઝડપીને પોલીસે સરથાણાના 9 કપોદ્રાના 5 અને વડોદરાના 3 બાઈક ચોરી કરવાના ગુના ઉકેલાયા છે.આ વાહન ચોરો બાઈકોની ચોરી કરીને મધ્યપ્રદેશમાં વેચાણ કરતા હતા.
ઉલ્લેખનીય છે કે આજરોજ સુરત પોલીસે ઝડપી પાડેલ મોટા વાહન ચોરીના નેટવર્કના આરોપી મધ્યપ્રદેશના કેટલાક સાગરીતો સાથે મળી આ વાહનચોરીનું રેકેટ ચલાવતા હોવાનું પ્રાથમિક તપાસમાં ખુલવા પામ્યું હતું. જ્યાં પોલીસે અન્ય આરોપીઓને ઝડપી પાડવાની દિશામાં તપાસ શરૂ કરી છે.આ ટોળકી વાહન ચોરી કર્યા બાદ તુરંત નંબર પ્લેટ કાઢી નાંખતા અને ત્યારબાદ તે મધ્યપ્રદેશ ખાતે પોતાના સાગરીતોને વેચાણ કરીને કમાણી કરતા હતા.
રાજ્યમાં દિવસને દિવસે ચોરી-લૂંટ જેવા બનાવો વધતા જાય છે ત્યારે રાજ્યમાં વાહન ચોરીનું એક રાષ્ટ્રીય કક્ષાનું એક મોટું રેકેટનો પર્દાફાશ કરવામાં સુરતની પોલીસને સફળતા હાથ લાગી હતી. જો કે આ કૌભાંડમાં સંડોવાયેલા 5 લોકો સહિત 19 જેટલા વાહનોને પોલીસે કબ્જે કરીને કાયદેસરની કાર્યવાહી કરી છે. જો કે આગામી સમયમાં પણ પૂછપરછ બાદ સામે આવી શકે છે કે આ પહેલા પણ કેટલા વાહનોની ચોરી કરીને અન્ય રાજ્યમાં મોકલી દેવામાં આવેલ છે.