- સુરતની 52 શાળાઓને BU પરમિશન મામલે નોટિસ
- 52 શાળાઓ પાસે બિલ્ડીંગની BU પરમિશન નથી
- રમતગમતના પણ શાળાઓ પાસે કોઈ મેદાન નથી
સુરતની 52 શાળાઓ પર બંધ થવાની તલવાર લટકી રહી છે. કોર્પોરેશન બીયુ પરમિશન ફરજિયાત કરે તો શહેરમાં આવેલી 52 શાળાઓ બંધ થવાની શક્યતા છે. સુરતની 52 શાળાઓને BU પરમિશન મામલે નોટિસ પાઠવવામાં આવી છે. હ્યુમન રાઇટ્સ કમિશનમાં થયેલી RTIમાં ખુલાસો થયો છે કે સુરતની 52 શાળાઓ BU પરમિશન વગર જ ધમધમી રહી છે. આ સ્કૂલો પાસે રમતગમતના કોઈ મેદાન પણ નથી.
શાળાઓ સીલ થશે તો 50 હજાર બાળકોના શિક્ષણને થશે અસર
RTIની વિગતો જાહેર થતા શિક્ષણ નિયામક એક્શન મોડમાં આવી ગયા છે અને સુરત DEO એ 52 શાળાને નોટિસ ફટકારી છે. મહત્વનું છે કે ક્ષતિ પૂર્તતા નહીં થાય તો શાળાઓને કરવામાં સીલ પણ કરવામાં આવશે. અને જો એ પગલું ભરવામાં આવે તો તેની સીધી અસર 50 હજાર બાળકોના શિક્ષણ પર પડશે. આ કાર્યવાહી બાદ 2009 અગાઉની શાળાની મંજૂરીનો મુદ્દો પણ ગૂંચવાઈ શકે છે.
લોકોની લાગણીઓને મહત્વ ન આપી શકાય: ફાયર સેફટી અને BU પરમિશન પર HCનો આદેશ
રાજ્યમાં ફાયર સેફ્ટી અંગે સુનાવણી દરમિયાન મોટો આદેશ આપતા હાઈકોર્ટ કહ્યું હતુ કે SCના આદેશ બાદ હવે કોઈ અવકાશ નથી, ફાયર સેફ્ટી અને BU પરમિશન વગરના એકમો સામે તાત્કાલિકના ધોરણે પગલાં લેવામાં આવે. વધુમાં હાઈકોર્ટે એ પણ ટાંક્યું હતું કે કાયદાના શાસનમાં લોકોની લાગણીઓને મહત્વ ન આપી શકાય અને નિયમો બધા માટે સમાન હોવા જોઈએ એ પછી કોઈપણ હોય. હાઈકોર્ટના આ મહત્વના આદેશ બાદ ફાયર સેફ્ટી અને BU પરમિશન વગર ચાલતા એકમો સીલ કરવાનું અભિયાન હાથ ધરાયું હતું. જણાવી દઈએ કે એવી કેટલીય સરકારી ઈમારતો અને સંકુલો છે જ્યાં ફાયર સેફટી નથી. અથવા તો હાઈકોર્ટના કડક વલણ બાદ ફાયર સેફટી લેવાઈ છે.
