દક્ષિણ ગુજરાત AAPમાં ભાજપની સેંધ,પાર્ટીથી નારાજ કાર્યકરોએ ભાજપનો ખેસ ધારણ કરતાં AAPને મોટો ઝટકો લાગ્યો છે.
AAP કાર્યકરો ભાજપમાં જોડાયા
શિક્ષણની વાત કરી, લાલચ આપીને જોડવામા આવતા હતા-પાટીલ
તદુરસ્ત રાજકારણ માટે ભાજપમાં આવતા તમામને આવકારીએ છીએ
ગુજરાત વિધાનસભા 2022ની ચૂંટણીના ખેલ હવે શરૂ થઈ ગયા છે, આ વખતે ભાજપ સાથે મુખ્ય હરીફ તરીકે મનાઈ રહેલી AAP પાર્ટીમાં ભાજપે ગાબડુ પાડ્યું છે, સુરત આપના બટુકભાઈ વરોતરિયા, મેહુલ તેજાણી, નિતીન ઠુમર, ભાવેશ દેસાઈ સહિત 50થી વધુ કાર્યકતાઓએ ભાજપનો ભગવો ધારણ કર્યો. પ્રદેશ પ્રમુખ સી.આર.પાટીલની હાજરીમાં ભાજપનો ખેસ ધારણ કર્યો છે.
AAP ભવિષ્ય દેખાયું, નારાજ હતા તે ભાજપમાં જોડવા લાગ્યા-પાટીલ
સુરત AAP અત્યાર સુધી ભાજપની વિકેટ ખેરવી સુરત ભાજપના કેટલાય મોટા માથાઓને આપમાં ભેળવી ચૂક્યું છે. ત્યારે ભાજપ પણ સુરત AAPમાં સેંધ પાડી છે. પ્રદેશ પ્રમુખ સી.આર.પાટીલે આપના 50 થી વધુ કાર્યકતાઓનું ભાજપમાં સ્વાગત કર્યું છે અને કહ્યું છે કે શિક્ષણની વાત કરતા લાલચ આપીને તેમને જોડવામા આવતા હતા, આજે આપના જે કાર્યકર્તાઓ ભાજપમાં આવ્યા છે તે તેમના ભવિષ્ય અને દેશનું સારું કરવા ભાજપમાં આવ્યા છે. તેમની AAPમાં સ્વપ્ન તૂટ્યા અને અપેક્ષા પણ તૂટી ગઈ છે, નારાજ હતા તે ભાજપમાં જોડવા લાગ્યા છે. સાથે વધુમાં ઉમેર્યું હતું કે તંદુરસ્ત રાજકારણ માટે ભાજપમાં આવતા તમામને આવકારીએ છીએ. કેટલાક મિત્રો આપણી સાથે હતા તે અન્ય પક્ષમાં ગયા હશે. પણ જે ભાજપમાં આવશે તેનું સ્વાગત કરવા તૈયાર છે.
ઝાડુંને મોટો ઝટકો
દક્ષિણ ગુજરાતના AAPના કાર્યકરો ભાજપમાં જોડાતા રાજકારણ ગરમાઈ રહ્યું છે. તાલુકા પંચાયત જુનાગઢમા AAPમાંથી જીત્યા બાદ પણ હવે ભાજપમાં કાર્યકતા જોડાઈ રહ્યા છે. ત્યારે મહત્વનું છે કે ઘણા સમયથી દક્ષિણ ગુજરાતમાં અને એમાંય ખાસ કરીને સુરત AAP વધારે મજબૂત સ્થિતિમાં આવી ગયું છે કારણ કે સુરત મનપામાં શાનદાર પ્રદર્શન કરી આપ સુરત વિપક્ષમાં બેઠી છે તેમજ આપના પ્રદેશ અધ્યક્ષ સુરત અને ભાજપના પણ પ્રદેશ અધ્યક્ષ દક્ષિણ ગુજરાતના હોવાથી હવે વર્ચસ્વની લડાઈ વધુ તેજ બનશે તેવા એધાણ છે, ગુજરાત વિધાનસભાની ચુંટણી પહેલા ભાજપ અને આપ પોત પોતાની પાર્ટીઓ મજબૂત કરી રહ્યા છે. ત્યારે આ વખતે કમળએ ઝાડુંને ઝટકો આપી 50થી વધુ કાર્યકતાનું ભાજપમાં સ્વાગત કર્યું છે. ત્યારે આવનાર દિવસોમાં મોટા પાયે ભાજપમાંથી AAP અને AAPમાંથી ભાજપમાં હેરાફેરી થવાના સંકેત છે.