ઝટકો / ટૅલિકૉમ કંપની અને સરકાર પર SC ભડકી : કહ્યું રકમ કેમ જમા નથી થઈ, દેશમાં કોઈ કાયદો બચ્યો છે?

• એડજસ્ટેડ ગ્રોસ રેવન્યુ (AGR) મામલે SC નો આદેશ
• સુપ્રીમ કોર્ટની ટેલીકોમ કંપની અને સરકારને લગાવી ફટકાર

જસ્ટિસ અરુણ મિશ્રાએ કહ્યું કે આ અરજીઓ દાખલ કરવાની જરૂર નહોતી. આ બધુ બકવાસ છે. શું સરકારી ડેસ્ક અધિકારી સુપ્રીમ કોર્ટથી વધારે (આગળ પડતા) છે, જે લોકોએ કોર્ટના આદેશ પર રોક લગાવી દીધી છે.

હજુ સુધી કોઇ રકમ જમા કરાવામાં આવી નથી. અમે સરકારના ડેસ્ક અધિકારીઓ અને ટેલિકોમ કંપની પર તિરસ્કારની કાર્યવાહી કરીશું. શું અમે સુપ્રીમ કોર્ટ બંધ કરી દઇએ? શું દેશમાં કોઇ કાયદો બચ્યો છે? શું આ મની પાવર નથી?
 

સુપ્રીમ કોર્ટે જણાવ્યું કે અમારા આદેશ છતાં આ રકમ જમા થઇ નથી. અમને આશ્ચર્ય છે કે એક રૂપિયો પણ જમાન કરાવામાં આવ્યો નથી. 

આ સાથે જસ્ટિમ મિશ્રાએ જણાવ્યું કે એવું નોટિફિકેશ કેમ જાહેર કરવામાં આવ્યું કે કોઇપણ ચૂકવણી નહી કરવા પર કંપનીઓ પર કોઇ કડક કાર્યવાહી કરવામાં આવશે નહીં. સુપ્રીમ કોર્ટે ટેલિકોમ કંપનીઓ વિરુદ્ધ કન્ટેમ્પ્ટ નોટિસ જાહેર કરી છે. કોર્ટે દરેક કંપનીઓના MD ને કોર્ટમાં હાજર રહીને જણાવા કહ્યું કે અત્યાર સુધી રૂપિયા કેમ જમાન કરાવ્યાં નથી?

 

શું છે મામલો?

ટેલિકોમ કંપનીઓની સંશોધન અરજી પર સુપ્રીમ કોર્ટે શુક્રવારના રોજ સુનાવણી કરી છે. અરજીમાં કંપનીઓએ સુપ્રીમ કોર્ટમાં એ આદેશ પર સંશોધન કરવાની ભલામણ કરી છે જેમાં કેન્દ્રને 23 જાન્યુઆરી સુધીમાં પૂર્ણ રકમ ચૂકવવા આદેશ આપવામાં આવ્યો હતો. 

આ અગાઉ 6 જાન્યુઆરીના રોજ ટેલીકોમ કંપનીઓને મોટો ઝટકો લાગ્યો હતો. સુપ્રીમ કોર્ટે ટેલીકોમ કંપનીઓની પુનર્વિચાર અરજીને ફગાવી દીધી હતી.