રાજકીય સંકટ / 'કંઈ પણ ખોટું થતું લાગે તો કોર્ટમાં ચાલ્યાં આવજો' સુપ્રીમે શિંદેને આપી રાહત, સરકારને આપ્યો મોટો આદેશ

• મહારાષ્ટ્રના રાજકીય સંકટ પર સુપ્રીમમાં સુનાવણી
• શિંદે જૂથના તમામ ધારાસભ્યોને સુરક્ષા આપવાનો મહારાષ્ટ્ર સરકારને આદેશ
• સુપ્રીમે શિંદે છાવણીને કહ્યું, કંઈ પણ ખોટું થતું લાગે તો સુપ્રીમમાં આવજો 
• 11 જુલાઈ સુધી કેસની સુનાવણી મોકૂફ રાખી  

મહારાષ્ટ્ર રાજકીય સંકટમાં સુપ્રીમ કોર્ટે એક મહત્વનો આદેશ આપ્યો છે. શિવસેનાના બાગી જૂથની અરજી પર સુનાવણી કરતા સુપ્રીમ કોર્ટે મહારાષ્ટ્ર સરકારને તમામ ધારાસભ્યોને તાત્કાલિક સુરક્ષા પૂરી પાડવાનો આદેશ આપ્યો છે. 

સરકારે 39 ધારાસભ્યોની સ્વતંત્રતા બચાવવા માટે પૂરતા પગલા લેવા જોઈએ: SC
સુપ્રીમ કોર્ટે પોતાના ચુકાદામાં કહ્યું હતું કે, રાજ્ય સરકારે કાયદો અને વ્યવસ્થા જાળવવી જોઈએ અને તમામ 39 ધારાસભ્યોના જીવન અને સ્વતંત્રતાની રક્ષા માટે પર્યાપ્ત પગલાં લેવા જોઈએ. તેમની સંપત્તિને કોઈ નુકસાન થયું નથી.

If anything illegal happens, you can always move this court, says SC while refusing to pass interim order on floor test

— Press Trust of India (@PTI_News) June 27, 2022

SC refuses to pass any interim order on plea that there should not be any floor test in Maharashtra Legislative Assembly till July 11

— Press Trust of India (@PTI_News) June 27, 2022

કંઈ પણ ખોટું થતું લાગે તો આવજો કોર્ટમાં- સુપ્રીમે શિંદે જૂથને કહ્યું 
અરજી પર સુનાવણી કરતા સુપ્રીમ કોર્ટની ખંડપીઠે શિંદે છાવણીને એવું પણ કહ્યું કે જો ફ્લોર ટેસ્ટ દરમિયાન તેમને કંઈ પણ અજુગતું લાગે તો તેઓ બેધડક કોર્ટમાં ચાલ્યા આવે. કોર્ટ તેમની વાત સાંભળશે. 

બાગી જૂથ 11 જુલાઈ સુધી દાખલ કરી શકશે જવાબ 
સુપ્રીમે વચગાળાનો એક આદેશ આપતા એકનાથ શિદે અને બાગી ધારાસભ્યોને 11 જુલાઈ સુધી તેમનો જવાબ રજૂ કરવાની મંજૂરી આપી છે. 

SC issues notice to deputy speaker of Maha Assembly, others on pleas by 16 rebel MLAs, led by Eknath Shinde, against disqualification notice

— Press Trust of India (@PTI_News) June 27, 2022

સુપ્રીમે કોને કોને નોટીસ ફટકારી 
બળવાખોર જૂથે ડેપ્યુટી સ્પીકરની નોટીસને સુપ્રીમમાં પડકારી હતી જેની પર ચાલેલી સુનાવણી વખતે ખંડપીઠે ડેપ્યુટી સ્પીકર, વિધાનસભા સચિવ, કેન્દ્ર સરકાર, મહારાષ્ટ્ર પોલીસ, શિવસેના ધારાસભ્ય દળના નેતા અજય ચોધરી, સુનિલ પ્રભુ વગેરેને નોટીસ પાઠવી હતી.