ચૂંટણી / SC એ તમામ દળોને આપ્યો આદેશ, 30 મે સુધી મળેલા ફંડની તમામ પક્ષો આપે જાણકારી

નવી દિલ્હી: ચૂંટણી બોન્ડને લઇને સુપ્રીમ કોર્ટે મહત્ત્વપૂર્ણ ચુકાદો આપ્યો છે. સુપ્રીમ કોર્ટે અંતરમિ આદેશ આપતા કહ્યું છે કે, 15 મે સુધી મળેલા ફંડની તમામ જાણકારી પક્ષો આપે. 30 મે સુધી તમામ પક્ષોએ ચૂંટણી પંચને ફંડની જાણકારી આપવી પડશે. સીલબંધ પત્રમાં પક્ષો ચૂંટણી પક્ષને ફંડ અંગે માહિત આપે. 

મહત્તવનું છે કે, પક્ષો માટે ચૂંટણી ફંડ મેળવવા કેન્દ્ર સરકાર ઇલેક્ટોરલ બોન્ડ લાવી છે. આ બોન્ડને લઇને હવે વિવાદ સર્જાયો છે અને મામલો સુપ્રીમ કોર્ટ પહોંચ્યો છે. આ બોન્ડમાં ફંડ આપનારાનું નામ જાહેર કરવાની માગ કરતી એક અરજી સુપ્રીમ કોર્ટમાં થઇ છે. જે મુદ્દે સુપ્રીમ કોર્ટે સરકાર અને ચૂંટણી પંચ પાસેથી જવાબ માગ્યો હતો. 

સરકારે પોતાની દલીલમાં બોન્ડમાં નામ જાહેર ન કરવા જોઇએ તેમ કહ્યું હતું. સાથે દાવો કર્યો હતો કે ઇલેક્ટોરલ બોંડ યોજના પોલીસી સંબંધી નિર્ણય છે. ત્યારે સુપ્રીમ કોર્ટે કહ્યું કે, જો પારદર્શી પોલિટિકલ ફંડિગ માટે ઇલેક્ટોરલ બોન્ડ્સ ખરીદનારાઓની ઓળખ ગુપ્ત રહે છે. તો સરકારની ચૂંટણીમાં કાળુનાણુના ઉપયોગને રોકવાની તમામ કોશિશ વ્યર્થ થઇ જશે. 

ત્યારે કોર્ટમાં બોન્ડ મુદ્દે સરકાર વતી હાજર એટર્ની જનરલ કેકે વેણુગોપાલે વિચિત્ર પ્રકારની દલીલો કરી હતી, તેમણે જણાવ્યું હતું કે રાજકીય પક્ષોને મળનારા ભંડોલ અને દાનના પૈસા ક્યાથી આવ્યા છે તે જાણવાનો મતદારોને કોઇ અધિકાર નથી. 

અરજદારોએ એવી દલીલ કરી હતી કે મતદારોને પણ રાજકીય પક્ષોને ફંડ ક્યાંથી મળ્યું તે જાણવાનો અધિકાર છે.