નિવેદન / અમેરિકાએ ફરી કલમ-370 પર ભારતના નિર્ણયનું કર્યું સમર્થન, પરંતુ....

• અમેરિકાએ ફરી કલમ-370 પર આપ્યું નિવેદન
• US વિદેશ મંત્રાલયે ભારતના નિર્ણયનું કર્યું સમર્થન
• અગાઉ પર સતત નિવેદન આપી ચૂક્યું છે ટ્રમ્પ પ્રશાસન

અમેરિકાએ કલમ-370 પર કર્યું સમર્થન પરંતુ...

અમેરિકાના રાષ્ટ્રપતિ ડોનાલ્ડ ટ્રમ્પ પ્રશાસને ભારત તરફથી જમ્મૂ-કાશ્મીરમાંથી કલમ 370 હટાવવાના નિર્ણય પર ફરી સમર્થન આપ્યું છે. પરંતુ અમેરિકાએ જમ્મૂ-કાશ્મીરમાં લાગેલા પ્રતિબંધને લઇને ચિંતા વ્યક્ત કરી છે. 

અમેરિકાના વિદેશ મંત્રાલયે કહી આ વાત

અમેરિકાના વિદેશ મંત્રાલયના દક્ષિણ એશિયા ડિપાર્ટમેન્ટના આસિસ્ટન્ટ સેક્રેટરી એલિસ વેલ્સે તરફથી કહેવામાં આવ્યું છે કે ભારતે તેની પાછળ તર્ક આપ્યો છે, જેનાથી જમ્મૂ-કાશ્મીરમાં વિકાસમાં તેજી જોવા મળશે, આ સાથે કેટલાક કાયદાઓ પણ લાગુ કરવામાં આવી શકશે. 

દક્ષિણ એશિયા ડિપાર્ટમેન્ટના આસિસ્ટન્ટ સેક્રેટરી કહ્યું કે...

દક્ષિણ એશિયા ડિપાર્ટમેન્ટના આસિસ્ટન્ટ સેક્રેટરી એલિસ વેલ્સે કહ્યું અમે ભારતે આપેલા તર્કનું સન્માન કરીએ છીએ અને નિર્ણયનું સમર્થન કરીએ છીએ. જો કે અમે એ પણ આશા રાખીએ છીએ કે જમ્મૂ-કાશ્મીરમાં હાલમાં જે પ્રતિબંધ લગાવામાં આવ્યાં છે તે જલ્દી દૂર કરવામાં આવે. 

પાકિસ્તાનને કોઇપણ દેશનું સમર્થન ન મળ્યું

ભારત સરકારે જ્યારે જમ્મૂ-કાશ્મીરમાંથી કલમ-370 દૂર કરવાનો નિર્ણય લીધો ત્યારથી પાકિસ્તાનને ઘણી મુશ્કેલી પડી રહી છે. પાકિસ્તા આ મુદ્દાને સતત દુનિયાના દેશો સમક્ષ ઉઠાવી રહ્યો છે, જો કે ઘણા દેશોએ આ મુદ્દે ભારતના આ નિર્ણયને લઇને સમર્થન આપ્યું છે અને આ મુદ્દો ભારતનો આંતરિક ગણાવ્યો.