એવોર્ડ / સુપર 30ના ફાઉન્ડર આનંદ કુમારને USમાં મળ્યો એવોર્ડ, કહ્યું શિક્ષણ તમામ સમસ્યાનું સમાધાન

• 'સુપર 30' ના સંસ્થાપક આનંદ કુમારને એવોર્ડથી સમ્માનિત કરાયા
• આનંદ કુમારને 'ધ એજ્યૂકેશન એક્સીલેન્સ એવોર્ડ 2019' એવોર્ડથી સમ્માનિત કરાયા
• આનંદ કુમારે કહ્યું - શિક્ષાથી વધારે કિંમતી કોઇ ઉપહાર ન હોઇ શકે

આનંદ કુમારને 'ફાઉન્ડેશન ફોર એક્સીલેન્સ' (FEE) સંગઠન દ્વારા 'ધ એજ્યૂકેશન એક્સીલેન્સ એવોર્ડ 2019' એવોર્ડથી સમ્માનિત કરાયા. આ સંગઠનના 25 વર્ષ પૂર્ણ થવાના અવસર પર કેલિફોર્નિયાના સૈન જોશમાં આયોજીત એક સમારોહમાં આનંદ કુમારને એવોર્ડથી સમ્માનિત કરાયા હતા. 

આનંદ કુમારે કાર્યક્રમમાં કહ્યું કે, ''લોકો સુધી ગુણવત્તા પૂર્ણ શિક્ષણ પહોંચવાથી વિશ્વમાં મોટો બદલાવ આવશે કેમકે તેથી ગરીબી, બેરોજગારી, જનસંખ્યા વિસ્ફોટ, પર્યાવરણ સહિત ઘણી સમસ્યાઓને ઉકેલવામાં મદદ મળશે.'' 

આનંદ કુમારે કહ્યું, ''ભારતીય અમેરિકા સહિત આખા વિશ્વમાં વિભિન્ન ક્ષેત્રોમાં સારું કામ કરી રહ્યા છે અને જો તે પોતાના સમાજને કંઇક પાછુ આપી રહ્યા છે, તો આ તેમના માટે ખૂબ જ સંતોષજનક હશે અને શિક્ષાથી વધારે કિંમતી કોઇ ઉપહાર ન હોઇ શકે.'' આનંદ કુમારે કહ્યું કે, શિક્ષિત દુનિયા વધુ સારી હશે કેમકે તેમાં સમજણ અને કરુણા વધારે હશે. 

એમણે ક્હ્યું કે, વર્તમાન સમયમાં એકલતા વધી રહી છે અને આ એકલતાને માત્ર શિક્ષાથી જ ભરી શકાય છે. કોઇને પણ યોગ્ય તક આપવામાં આવે છે તો તે સારું કરીને દેખાડશે. તેથી તક મળવી જ મહત્વપૂર્ણ છે. નોંધનીય છે કે હાલમાં જ આનંદ કુમાર પર બનેલી ફિલ્મ 'Super 30' રિલીઝ થઇ હતી. તેમા ઋત્વિક રોશને મુખ્ય ભૂમિકા નિભાવી હતી.