વર્કઆઉટ / સની દેઓલે ચૂંટણી પ્રચાર દરમિયાન પણ નથી છોડ્યું આ કામ, વાઇરલ થયો VIDEO

સની દેઓલ (Sunny Deol) ફિલ્મોમાં તેમની એકશન માટે અલગ ઓળખ ધરાવે છે. પછી તે 'ઘાયલ' હોય અથવા 'ઘાતક', 'ગદર:એક પ્રેમ કથા' તમામ ફિલ્મોમાં તેમના એક્શન સીન માટે જાણીતા છે. સની દેઓલ 62 વર્ષના છે અને આજે પણ પોતાની ફિટનેસ માટે બોલીવુડમાં ખાસ ઓળખ ધરાવે છે. સની દેઓલનો એક વીડિયો સોશિયલ મીડિયામાં વાયરલ થઇ રહ્યો છે. આ વીડિયોમાં સની દેઓલ ચૂંટણી પ્રચારથી અલગ દેશી અંદાજમાં કસરત કરી રહ્યા છે. 

સની દેઓલના પિતા ધર્મેન્દ્રએ એમનો આ વીડિયો પોતાના ટ્વિટર એકાઉન્ટ પર પોસ્ટ કર્યો છે. ગુરુદાસપુર લોકસભા સીટથી ભાજપના ઉમેદવાર અને અભિનેતા સની દેઓલ ચૂંટણી અભિયાનમાં વ્યસ્તતા વચ્ચે પણ જરૂરી રૂટિન જીમ માટે સમય નીકાળવા પ્રત્યે ધ્યાન આપે છે.

Love you, my truthful son. Nek bande ho 🙏malik ke tum. Jeete raho 👋 pic.twitter.com/l2UP87FYhg

— Dharmendra Deol (@aapkadharam) May 9, 2019

ગુરુવારે તેમના પિતા અને દિગ્ગજ અભિનેતા ધર્મેન્દ્રે ટ્વિટર પર એક વીડિયો અપલોડ કર્યો હતો. વીડિયોમાં સની દેઓલ સવારે કસરત કરતા દેખાઇ રહ્યા છે. કસરત કરી રહેલા પુત્રનો વીડિયોના કેપ્શનમાં ધર્મેન્દ્રે લખ્યું કે, 'લવ યૂ મેરે સત્યવાદી બેટે. નેક બંદે હો માલિક કે તુમ, જીતે રહો'.

સૂત્રો અનુસાર સની દેઓલે પોતાના જીમને મુંબઇથી ગુરુદાસપુર શિફ્ટ કરી લીધો છે. જેથી એમણે લોકોની વચ્ચે રહી શકે. જોકે સનીનો ગુરુદાસપુર સાથે કોઇ સીધ સંબંધ નથી.