અરેરાટી / રાજકોટની જાણીતી રેસ્ટોરન્ટના માલિકે ગળેફાંસો ખાઈને કર્યો આપઘાત, કારણ ચોંકાવનારું

• રાજકોટના જાણીતા રેસ્ટોરન્ટ માલિકનો આપઘાત
• પટેલ વિહાર રેસ્ટોરન્ટના માલિક હસમુખ પાંચાણીએ કર્યો આપઘાત
• આપઘાતનું કારણ જાણવા પોલીસ તપાસનો ધમધમાટ

રાજકોટના જાણીતા પટેલ વિહાર રેસ્ટોરન્ટના સંચાલક હસમુખ પાંચાણીએ આજે આપઘાત કરી લેતા ચકચાર મચી છે. હસમુખ પાંચાણીએ વહેલી સવારે રાજકોટના યુનિવર્સિટી રોડ પર આવેલા પોતાના ઘરે ગાળેફાંસો ખાઈને મોત વ્હાલું કરી લીધું હતું. પરિવારના મોભીના મોતથી પરિવારમાં કાળો કલ્પાંત સર્જાયો છે. આ અંગે પરિવારજનોએ પોલસને જાણ કરતા પોલીસ દોડી ગઈ હતી. જોકે મોતનું કારણ અકબંધ હોવાથી પોલીસે કારણ જાણવાની દિશામાં કાર્યવાહી હાથ છે.

ઘરે ચૂંદડી વડે ગળેફાંસો ખાઇ હસમુખ પાંચાણીએ આપઘાત કરી લીધો
રાજકોટના યુનિવર્સિટી રોડ પર આવેલા કૃષ્ણનગર મેઇન રોડ પર રહેતા અને પટેલ વિહાર રેસ્ટોરન્ટ ચલાવતા હસમુખ પુરુષોત્તમભાઇ પાંચાણી નામના 65 વર્ષીય અધેડે અગમ્ય કારણસર આયખું ટૂંકાવ્યું છે. પોતાના ઘરની છતમા ચૂંદડી વડે ગળેફાંસો ખાઇ હસમુખ પાંચાણીએ આપઘાત કરી લીધો હતો. આ અંગે પરોઢીયે તેમના પત્ની જગ્યા હતા જ્યાં આધેડની લટકતી લાશ જોવા મળતા પત્નીના પગ તળેથી જામીન ખસકી ગઈ હતી. આ દરમિયાન રોકકળાટ થતાં પરિવાર અન્ય સભ્યોને જાણ થઇ હતી. ત્યારબાદ સ્થાનિક પોલીસને જાણ કરવામાં આવી હતી.

માલવિયાનગર પોલીસ કાફલો ઘટનાસ્થળે દોડી ગયો 
બનાવની જાણ થતાં માલવિયાનગર પોલીસ કાફલો ઘટનાસ્થળે દોડી ગયો હતો. જયાં નિવેદનો નોંધી મૃતદેહને પોસ્ટમોટર્મ માટે રાજકોટની સિવિલ હોસ્પિટલ ખાતે ખસેડવામાં આવ્યો હતો. આ દરમિયાન હોસ્પિટલમાં મૃતક હસમુખના સબંધીઓના જણાવ્યા મુજબ હસમુખભાઈ આર્થિક સંકળામણ ભોગવતા હોય તેવું લાગી રહ્યું છે. જોકે આપઘાત અંગેનું કોઇ સ્પષ્ટ કારણ બહાર આવ્યું નથી. પોલીસ તપાસ બાદ મોત અંગેનું કારણ સામે આવશે. નોંધનિય છે કે, મૃતક હસમુખ પાંચાણી સહીત ત્રણ ભાઇઓમાં હસમુખભાઈ વચેટ હતા. અને હસમુખભાઈને સંતાનમાં ત્રણ પુત્ર હોવાનું પોલીસની પ્રાથમિક તપાસમાં આવ્યું છે.