પેટના ઈન્ફેક્શનને પેટનું ફ્લૂ પણ કહેવામાં આવે છે અમે તમને જણાવી દઈએ કે પેટમાં ઈન્ફેક્શન થવા પર શરીર શું સંકેત આપે છે?
પેટના ઈન્ફેક્શનને ભૂલથી પણ ન કરતા ઈગ્નોર
લાંબા ગાળે થઈ શકે છે ગંભીર બીમારીઓ
જાણો શું છે તેના લક્ષણો
પેટના ઈન્ફેક્શનને પેટ ફ્લૂ પણ કહેવામાં આવે છે. તે એક વાયરલ અને બેક્ટેરિયલ ઈન્ફેક્શન છે જે પેટમાં તીવ્ર દુખાવાની સાથે ઘણા લક્ષણોનું કારણ બની શકે છે. તેને તબીબી પરિભાષામાં ગેસ્ટ્રોએન્ટઈટિસ પણ કહેવાય છે.
તમને જણાવી દઈએ કે જો પેટમાં લાંબા સમય સુધી ઈન્ફેક્શન રહે તો તે ગંભીર સ્વરૂપ લઈ શકે છે. તેથી જો તમને પેટ સંબંધિત કોઈ લક્ષણો દેખાય તો તેને અવગણશો નહીં. અમે તમને અહીં જણાવીએ કે જ્યારે પેટમાં ઈન્ફેક્શન થાય છે ત્યારે શરીર શું સંકેત આપે છે?
પેટના ઈન્ફેક્શનના કિસ્સામાં શરીર આપે છે આ સંકેતો
ઉલટી
લોકો ઘણીવાર ઉલ્ટીને સામાન્ય માને છે. પરંતુ જો તમને સતત ઉલ્ટી થતી હોય તો તેને બિલકુલ અવગણશો નહીં. તમને જણાવી દઈએ કે વારંવાર ઉલ્ટી થવી એ પેટમાં ઈન્ફેક્શનનું લક્ષણ હોઈ શકે છે. આવી સ્થિતિમાં તમારે તાત્કાલિક ડૉક્ટરનો સંપર્ક કરવો જોઈએ.
ઝાડા અને ડાયેરિયા
ઘણા લોકો વારંવાર પેટ ખરાબ થવાની સમસ્યાથી પરેશાન રહે છે. આવું માત્ર પેટમાં ગડબડને કારણે થાય છે. પરંતુ મોટાભાગના લોકો તેને સામાન્ય ગણીને અવગણના કરે છે. જો ઝાડા અથવા ડાયેરીયા તમને લાંબા સમયથી પરેશાન કરે છે તો તે પેટમાં ઈન્ફેક્શનનું લક્ષણ હોઈ શકે છે. આ સ્થિતિમાં તમે ડિહાઇડ્રેટેડ અનુભવી શકો છો.
પેટમાં દુખાવો કે આંટી પડવી
પેટના ઈન્ફેક્શનનું સૌથી સામાન્ય લક્ષણ પેટમાં દુખાવો છે. આ દરમિયાન તમને પેટમાં તીવ્ર દુખાવો, આંટી પડવા જેવી સમસ્યા થઈ શકે છે. તેથી તેને અવગણશો નહીં. પરંતુ દરેક પેટનો દુખાવો ચેપ નથી હોતો તેથી ગભરાવાની જરૂર નથી.
સ્નાયુમાં દુખાવો
મોટાભાગના લોકો સ્નાયુના દુખાવાને નબળાઈ માને છે અને તેની અવગણના કરે છે. પરંતુ પેટના ઈન્ફેક્શનને કારણે પણ સ્નાયુઓમાં દુખાવો થઈ શકે છે.