અમદાવાદમાં વીમા પોલીસી બંધ થઇ ગયેલે છે તેમ જણાવી શેરબજારમાં નાણા રોકવાથી વધુ વળતર આપવાની લાલચ આપીને લોકો પાસેથી લાખો રુપિયાની ઠગાઇ કરતું કોલસેન્ટરનો પર્દાફાશ સાયબર ક્રાઇમ વિભાગે કર્યો છે. પોલીસે દિલ્હીથી પાંચ ચીટરોની ધરપકડ કરી છે. ત્રણ મહિનામાં શેરનો દસ ગણો ભાવ થઇ જશે તેમ કહીને લોકોને વિશ્વાસમાં લેતા હતા અને ત્યારબાદ ચિંટીગ આચરતા હતા. ગઇકાલે સાયબર ક્રાઇમે નોકરીની લાલચ આપીને ચિંટગ કરતી બે અલગ અલગ ગેંગીન ધરપકડ કરી હતી જેમાં 9 લોકોની દિલ્હીથી ધરપકડ કરી હતી.
લાખો રુપિયાની ઠગાઇ કરતું કોલસેન્ટરનો પર્દાફાશ
બે જણાએ પ્લાન બનાવી લોકોને લૂંટવાની ફોર્મ્યુલા બનાવી
અમદાવાદ પોલીસે દિલ્હી પોલીસને સાથે રાખી રેડ પાડી
બે જણાએ પ્લાન બનાવી લોકોને લૂંટવાની ફોર્મ્યુલા બનાવી
મે મહિનામાં ગૌતમભાઇ ચુડગર નામના વ્યકિત રાહુલ શ્રીવાસ્તવ અને અનિકેત ભારદ્વાજ નામે કોલ આવ્યો હતો જેમાં તેને જણાવ્યુ હતુંકે એગોન રેલીગેરની આઠ પોલીસીઓની પ્રિમીયમ 5.37 લાખ રુપિયા થાય ખરેખર તે રકમ 8.76 લાખ રુપિયા મળવા પાત્ર છે. તેમ જણાવીને એગોન રેલીગેરનું પોલીસનું શેર માર્કેટ ડાઉન ચાલે છે અને વેલ્યુ ચાર લાખ રુપિયા ધટી જશે જેથી આઠ લાખનો ચેક તમારા ધરે આવી જશે.
બન્ને જણાએ ગૌતમભાઇને જણાવ્યુ હતુંકે શેર બજારના ઇશ્યુનું કામ ચાલે છે જેમાં ઇન્વેસ્ટ કરીને મોટુ વળતર આપવાની લોભામણી લાલચ આપીને કુલ 4.25 લાખ રુપિયા ભરાવડાયા હતા. 8.87 લાખનો ચેક નહી આવતા તેમજ કોઇપણ શેરબજારનો ઇસ્યુ બહાર નહી પડતા 4.25 લાખ રુપિયાનું ચિંટીગ આચર્યુ હતું.
અમદાવાદ પોલીસે દિલ્હી પોલીસને સાથે રાખી રેડ પાડી
ગૌતમભાઇની ફરિયાદના આધારે સાયબરક્રાઇમે ગુનો દાખલ કર્યો હતો અને જે નંબરથી કોલ આવ્યા હતા તેનું સર્વેન્સ કરતા જણાવા મળ્યુ હતું આરોપીઓ દિલ્હીના છે. સાયબર ક્રાઇમની ટીમ દિલ્હી જવા માટે રવાના થઇ હતી જ્યા તેમને દિલ્હી પોલીસને સાથે રાખીને કારોલબાગના એક કોમ્પેલેક્ષમાં રેડ કરી હતી જેમાં કુલ પાંચ આરોપીઓની ધરપકડ છે.
સાયબર ક્રાઇમે સંજુ ચૌહાણ, જોની સુભાષચંદ્ર, પ્રભજ્યોતસિંગ જુનેજા, ગુલશનકુમાર મીશ્રા અને હેમતકુમાર સુમેરસિંગની ધરપકડ કરી છે. સ્ક્રીપટ પ્રમાણે તમામ આરોપીઓ વાતચીંત કરતા હતા. તમામ આરોપીઓ રોજ 250 થી 300 કોલરને કોલ કરતા હતા અને ત્રણ મહિનામાં શેરબજારનો ભાવ દસ ગણો થઇ જશે તેવી લાલચ આપતા હતા.