નવસારી / નિયમમાં રહો..CNG પંપના કર્મીએ સુરક્ષાને લઇ કારમાંથી શખ્સોને બહાર ઉતરવા કહ્યું તો ધોકાવાળી કરી, જુઓ VIDEO

• નવસારીમાં ગેસ પંપ પર ગેસ ભરાવવાને લઈને મારામારી
• ચીખલીના પરમ CNG ગેસ પંપ પર મારામારીના દ્રશ્યો
• ચીખલી પોલીસે કારમાં સવાર યુવાનો વિરુદ્ધ ગુનો નોંધ્યો

સોશિયલ મીડિયા પર એક વીડિયો વાયરલ થવા પામ્યો છે. જેમાં કેટલાક અસામાજીક તત્વો સીએનજી પંપ પર હાજર રહેલ વ્યક્તિને નિર્દયતાથી માર મારતા વીડિયોમાં સ્પષ્ટ દેખાઈ રહ્યા છે.  કારમાં રહેલ યુવકો દ્વારા અચાનક જ સીએનજી પંપ પર હાજર રહેલ વ્યક્તિ પર તૂટી પડે છે. અને તેને ઢોર માર મારે છે.  ત્યારે આ સમગ્ર ઘટના સીસીટીવીમાં કેદ થઈ જતા પોલીસે કારમાં સવાર યુવકો વિરૂદ્ધ ગુનો નોંધી તપાસ હાથ ધરી છે.

નવસારીમાં ગેસ પંપ પર ગેસ ભરાવવાને લઈને મારામારી, સમગ્ર ઘટના CCTV માં કૈદ થઈ #Navsari #CNGPump #CCTVVideo #vtvgujarati pic.twitter.com/DhIszgKYEG

— VTV Gujarati News and Beyond (@VtvGujarati) February 5, 2023

પોલીસે ગુનો નોંધી આગળની કાર્યવાહિ હાથ ધરી
નવસારી ચીખલી હાઈવે પર આવેલ પરમ સીએનજી ગેસ પંપ પર ગત રોજ રાત્રીના સુમારે કેટલાક લોકો ગેસ પુરાવવા માટે પંપ ઉપર આવ્યા હતા. ત્યારે પંપ પર હાજર રહેલ વ્યક્તિ દ્વારા ગાડીમાં રહેલ વ્યક્તિને ગાડીમાંથી ઉતરવાનું કહેતા ગાડીમાંથી નીચે ઉતરેલ શખ્શો દ્વારા પેટ્રોલ પંપ પર હાજર રહેલ વ્યક્તિ કંઈ સમજે તે પહેલા તેને મારવા લાગ્યા હતા. ગાડીમાં સૂઈ રહેલ વ્યક્તિઓ દ્વારા ગાડીની નીચે ઉતરી લાકડીથી સીએનજી પૂરી રહેલ વ્યક્તિને ઢોર માર મારવા લાગતા  વ્યક્તિ ત્યાંથી ભાગવાનો પ્રયાસ કરતા તેને આગળથી પકડી લાકડીથી ચારથી પાંચ શખ્સો તેની પર તૂટી પડ્યા હતા. ત્યારે આ સમગ્ર ઘટના સી.સી.ટી.વી.માં કેદ થતા ચીખલી પોલીસે ગુનો નોંધી તમામ શખ્સો વિરૂદ્ધ કાયદેસરની કાર્યવાહિ હાથ ધરી છે.
સુરક્ષાના ભાગરૂપે ગાડીમાંથી નીચે ઉતરવું ફરજીયાત
સીએનજી પેટ્રોલ પંપ પર સુરક્ષાના નિયમોની વાત કરવામાં આવે તે સુરક્ષાના ભાગરૂપે  સીએનજી પેટ્રોલ પંપ પર સીએનજી પુરાવતી વખતે ગાડીમાં હાજર રહેલ તમામ વ્યક્તિઓએ ફરજીયાત ગાડીમાંથી નીચે ઉતરવું પડવું પડે છે. ત્યારે ચીખલી માં સીએનજી પેટ્રોલ પંપ પર રહેલ વ્યક્તિ દ્વારા સુરક્ષાના ભાગરૂપે શખ્સોને નીચે ઉતરવાનું કહેતા ગાડીમાંથી ઉતરેલા શખ્સો નિર્દયતાથી પંપ પર હાજર રહેલ વ્યકિત પર તૂટી પડ્યા હતા અને તેને ઢોર માર માર્યો હતો.