- WhatsApp ફરી લઈને આવી રહ્યું છે જોરદાર ફીચર
- યુઝર્સને સ્ટેટસ અપડેટ કરવા માટે હવે એક નવો વિકલ્પ મળશે
- યુઝર્સ સ્ટેટસ પર મૂકી શકશે ઓડિયો
આજકાલ લગભગ દરેક લોકો પાસે સ્માર્ટફોન હોય છે અને એ સ્માર્ટફોનમાંથી મેસેજ કે કોલ્સ કરવા માટે લગભગ દરેક લોકો વોટ્સએપનો ઉપયોગ કરે છે. એવામાં વોટ્સએપને વધુ સારું બનાવવા માટે કંપની થોડા થોડા સમયે નવા ફીચર્સ અપડેટ કરતી રહે છે. આ અપડેટેડ ફીચર્સનો હેતુ વોટ્સએપના યુઝર્સ માટે શ્રેષ્ઠ પ્લેટફોર્મ બનાવવાની સાથે સાથે વધુને વધુ યુઝર્સ સાથે કનેક્ટ કરવાનો હોય છે. જે લોકો વોટ્સએપનો ઉપયોગ કરી રહ્યાં છે એમને સ્ટેટ્સ ફીચરનો પણ ઉપયોગ કર્યો હશે અને એ બધા જાણતા હશે કે આમાં યુઝર્સ માત્ર વીડિયો અને ટેક્સ્ટ અપડેટ કરી શકે છે. મળતી માહિતી મુજબ હવે તેમાં મોટો ફેરફાર થવા જઈ રહ્યો છે. અને એ ફેરફાર મુજબ યુઝર્સને સ્ટેટસ અપડેટ કરવા માટે હવે એક નવો વિકલ્પ મળશે.
યુઝર્સ સ્ટેટસ પર મૂકી શકશે ઓડિયો
આપણે બધા જાણીએ જ છીએ કે અત્યાર સુધી વોટ્સએપ યુઝર્સ તેમના સ્ટેટસમાં માત્ર ટેક્સ્ટ અને વીડિયો અને ફોટો જ મૂકી શકતા હતા પણ હવે તેમાં એક નવું ફોર્મેટ પણ સામેલ કરવામાં આવ્યું છે અને એ છે ઓડિયો. એટલે કે હવે યુઝર્સ વોટ્સએપ પર ફોટો, વીડિયો અને ટેક્સ્ટની સાથે ઓડિયોનો પણ અપલોડ કરી શકશે. આ ફીચર હાલમાં જ જોવામાં આવ્યું છે અને હાલ એ ફીચર ટેસ્ટિંગ મોડમાં છે પણ ટૂંક સમયમાં તેએપ પર જોવા મળશે. હાલ સુધી આ ફીચર iOS વર્ઝન પર જોવામાં આવ્યું છે અને યુઝર્સ તેમના સ્ટેટસમાં 30 સેકન્ડનો ઓડિયો એડ કરી શકશે.
ઓડિયો સ્ટેટસ અપલોડ કરો
જણાવી દઈએ કે આ ફીચરનો ઉપયોગ કરીને હવે યુઝર્સ માત્ર પોતાનો અવાજ રેકોર્ડ કરીને સ્ટેટસ અપડેટ કરી શકશે. આ સાથેજ તમારા કોન્ટેકમાં રહેલ દરેક વ્યક્તિ આ સ્ટેટસ સાંભળી શકે છે. જોકે યુઝર્સ માત્ર 30 સેકન્ડનું સ્ટેટસ અપલોડ કરી શકે છે, આ કિસ્સામાં યુઝર્સે એ જ સમયગાળાનું સ્ટેટસ બનાવીને સ્ટેટ્સમાં મૂકવો પડશે.
