WORLD / અવકાશમાં માનવો લઇ જવાની યોજના ધરાવતું આ રોકેટ પરિક્ષણમાં જ તૂટી પડ્યું: જુઓ VIDEO

27 મેના રોજ SpaceXના ફાલ્કન 9 રોકેટ દ્વારા અવકાશયાત્રીઓને ફ્લોરિડાના સ્પેસ સેન્ટરથી આંતરરાષ્ટ્રીય સ્પેસ સ્ટેશન મોકલવાના હતા. પરંતુ ખરાબ હવામાનને કારણે લોન્ચ રદ કરાયું હતું. હવે ફાલ્કન 9 લોન્ચનો પ્રયાસ 30 મેના રોજ કરવામાં આવશે. તે જ સમયે શુક્રવારે, અમેરિકાના ટેક્સાસમાં સ્ટારશીપ રોકેટના પ્રોટોટાઇપ પરિક્ષણ દરમિયાન અકસ્માત થયો હતો. એન્જિન શરૂ કર્યા પછી ધુમાડો નીકળ્યો હતો અને પછી પ્રચંડ ધડાકો થયો હતો. 

SpaceX કંપનીને સ્ટારશીપ રોકેટથી ઘણી અપેક્ષાઓ છે. આ રોકેટની લંબાઈ 394 ફૂટ છે. તેને નેક્સ્ટ જનરેશન રોકેટ પણ કહેવામાં આવી રહ્યું છે. કંપની સ્ટાર્સશીપ દ્વારા ચંદ્ર અને મંગળ પર માનવો અને 100 ટન કાર્ગો પહોંચાડવાની યોજના ધરાવે છે.

SpaceXના ચીફ ઈલોન મસ્કની યોજના છે કે સ્ટારશિપ રોકેટ દ્વારા અવકાશ યાત્રા સસ્તી થઈ શકે છે. સ્ટારશીપ રોકેટનો ઉપયોગ એક કરતા વધુ વખત યાત્રા કરવા માટે થઈ શકે છે.