કાર્યવાહી / VTV IMPACT: ખંડણી માગનારની 48 કલાકમાં જ ધરપકડ, SP નિર્લિપ્ત રાયે ટ્વીટ કરીને આપી જાણકારી

• અમરેલીમાં પેટ્રોલ પંપ માલિક પાસે ખંડણી માગવાનો મામલો
• ખંડણી માટે ફોન કરનાર આરોપી છત્રપાલ વાળા ઝડપાયો
• FIR નોંધાયાના 48 કલાકમાં આરોપીને LCBએ ઝડપી પાડ્યો
• અમરેલી SP નિર્લિપ્ત રાયે ટ્વિટ કરી આપી જાણકારી

VTVના અહેવાલનો પડઘો પડ્યો છે. અમરેલીમાં રૂપિયા 10 લાખની ખંડણીની ધમકીનો ઓડિયો વાયરલ થયો હતો. આ મામલે અમરેલીના પોલીસ સુપ્રિટેન્ડન્ટે ટ્વીટ કરીને જણાવ્યું હતું કે, FIR નોંધાયાના 48 કલાકમાં LCB ટીમ દ્વારા આરોપી છત્રપાલસિંહ વાળાની ધરપકડ કરવામાં આવી છે. 

The accused Chatrapal Vala has been arrested by Amreli LCB team within 48 hours of FIR registration.He is accused of extorting the patrol pump owner in Amreli. We will ensure the strictest legal action. @dgpgujarat @AddlCP_ABAD @CollectorAmr @ashishbhatiaips @GujaratPolice pic.twitter.com/ij0yKW5NPk

— SP AMRELI (@SP_Amreli) June 11, 2021

કડક કાર્યવાહીની ખાતરી આપી 

તો સાથે જ VTV ન્યૂઝના વીડિયો વીડિયો સાથે પોલીસ સુપ્રિટેન્ડન્ટે કડક કાર્યવાહીની ખાતરી પણ આપી હતી. 

એક ઓડિયો બાદ સમગ્ર વિવાદ આવ્યો હતો સામે

જે ગુજરાત સરકાર લેન્ડ ગ્રેબિંગ એક્ટ અને ગુજસીટોક જેવા કાયદો લાવીને પોતાને જનતાના રક્ષક ગણાવે છે. તે ગુજરાતની હાલત હવે સુરક્ષિત રહી નથી. તેવું અમરેલીના એક ગુંડાની ઓડિયો ક્લિક સામે આવ્યા બાદ લાગી રહ્યું છે. અમરેલીના એક ગુંડાએ પેટ્રોલ પંપના માલિકને ધમકી આપી છે. ખંડણી માટે કરેલા ફોનમાં આ ગુંડો પોતાનું નામ છત્રપાલ વાળા જણાવી રહ્યો છે. અને પેટ્રોલપંપના સંચાલક હિતેશ ભાઈને બંદૂકની ગોળી મારી ધમકી આપી રહ્યો છે. vtv આ ઓડિયોની કોઈ પુષ્ટી કરતું નથી.