UP ELECTION / સમાજવાદી પાર્ટીએ જાહેર કરી વધું 12 ઉમેદવારોની યાદી, રાયબરેલીમાં જામશે કાંટાની ટક્કર

ઉત્તર પ્રેદશમાં વિધાનસભા ચૂંટણી માટે સમાજવાદી પાર્ટીએ 12 ઉમેદવારોની યાદી જાહેર કરી દીધી છે. આ લિસ્ટમાં સપાએ રાયબરેલીથી ભાજપન અદિતિ સિંહ વિરુદ્ધ આરપી યાદવને મેદાને ઉતાર્યા છે.

ત્યારે આવા સમયે એવું અનુમાન લગાવામાં આવી રહ્યું છે કે, આરપી યાદવ અને અદિતિ સિંહ વચ્ચે કાંટાની ટક્કર થવાની છે. તો વળી સમાજવાદી પાર્ટીએ ચિત્રકૂટમાંથી અનિલ પ્રધાન પટેલ, પ્રતાપપુરથી વિઝમા યાદવને ટિકિટ આપી છે. તો વળી બસપા છોડીને સપામાં શામેલ થનારા અસલમ રાઈની શ્રાવસ્તીથી ચૂંટણી લડશે.

pic.twitter.com/66TItHdxw5

— Samajwadi Party (@samajwadiparty) February 2, 2022

હજૂ એક દિવસ પહેલા જ સપાએ લખનઉની 6 વિધાનસભા સીટો પર ઉમેદવારોની જાહેરાત કરી દીધી હતી. સમાજવાદી પાર્ટીની યાદી મુજબ આ નવા લિસ્ટમાં દશ વિધાનસભા સીટો પર ઉમેદવારોના નામ હતાં. સપાની આ યાદીમાં લખનઉ કેંટ સીટ પરથી જ્યાં રાજૂ ગાંધીને ટિકિટ આપી છે, તો વળી લખનઉના પૂર્વ પ્રવક્તા અનુરાગ ભદૌરિયાને ઉમેદવાર બનાવ્યા છે.

અહીં ઉલ્લેખનીય છે કે, ઉત્તર પ્રદેશમાં 7 તબ્કકામાં વિધાનસભા ચૂંટણી થશે. મતદાનની શરૂઆત 10 ફેબ્રુઆરીએ રાજ્યના પશ્ચિમી ભાગના 11 જિલ્લાની 58 સીટો પર થશે.બીજા તબક્કામાં 14 ફેબ્રુઆરીએ રાજ્યની 55 સીટો પર મતદાન થશે, ત્રીજા તબક્કામાં 59 સીટો પર, 23 ફેબ્રુઆરી ચોથા તબ્કકામાં 60 સીટો, 27 ફેબ્રુઆરીએ પાંચમાં તબક્કામાં 60 સીટો, ત્રણ માર્ચે છઠ્ઠા તબક્કામાં 57 સીટો અને સાતમી માર્ચે સાતમાં તબક્કાની 54 સીટો પર મતદાન થશે, પરિણામ 10 માર્ચે આવશે.