કોરોના વાયરસ / દક્ષિણ કોરિયાએ લૉકડાઉન વીના જ આ રીતે કોરોના સામે જંગ જીત્યો, હવે US સહિત અન્ય દેશ આ મૉડલ અપનાવશે?

• દક્ષિણ કોરિયાએ કોરોનાને આપી માત
• લૉકડાઉન વિના જ દેશની મદદથી મળી સફળતા
• ઝડપ, પારદર્શિતા, ઇનોવેશન અને જનભાગીદારીથી જીત્યો જંગ

ત્યારે આપણે એ જાણવાની કોશિશ કરીશું કે આખરે મહામારી સામે દક્ષિણ કોરિયા કેવી રીતે લડ્યું. ફેબ્રુઆરીના અંતમાં, ચીન પછી કોરોના કેસમાં દક્ષિણ કોરિયા બીજા સ્થાને પહોંચ્યું હતું. 24 કલાકની અંદર 909 નવા કેસ નોંધાયા હતા. તે જ સમયે, હવે સ્થિતિ એવી છે કે દૈનિક કેસોની સંખ્યા ત્રિગુણ અંકમાં નહીં પણ બે આંકડામાં નોંધાઈ રહી છે અને તે ખૂબ રાહતની વાત છે. આને કારણે, કોરિયા સૌથી વધુ ચેપગ્રસ્ત 10 દેશોમાં તળિયે છે.

પીએમ ચુંગે કહ્યું કે, 'અમે નિર્ણાયક તબક્કે બહાર નીકળી ગયા છે. નવા કેસોની સંખ્યામાં ઘટાડો થયો છે જે હવે બે આંકડામાં છે. હવે અમે એવી સ્થિતિમાં છીએ જ્યાં આપણે પરિસ્થિતિને કાબૂમાં રાખી શકીએ.'

મહત્વનું છે કે, દક્ષિણ કોરિયાએ અન્ય દેશોની તુલનામાં લૉકડાઉન જેવા કોઈ પગલા લીધા નથી. ચુંગે આના પર કહ્યું, 'અમે કોઈપણ પદ્ધતિ અપનાવી, અમને વિશ્વાસ છે કે આની સાથે અમે કોવિડ 19ના યુદ્ધ લડવામાં સફળ રહ્યા છીએ. અમે લૉકડાઉનની જગ્યાએ કોરોના સાથેના વ્યવહાર માટેના બીજા દરેક પ્રયાસ કરી રહ્યા છીએ. આંતરરાષ્ટ્રીય સમુદાય હવે અમારા પ્રયત્નો જોશે.

આ ચાર શબ્દોમાં છુપાઇ છે કોરિયાની સફળતા

ચુંગે મોટી સ્પષ્ટતા સાથે પોતાની વાત રાખી અને કહ્યું કે અમારા પ્રયાસ ચાર આઇડિયા પર ટકેલા છે. ઝડપ, પારદર્શિતા, ઇનોવેશન અને જનભાગીદારી. ઝડપની વાત કરવામાં આવે તો કોરિયાએ પહેલા 10 હજાર લોકોનો રોજ ટેસ્ટ કર્યો અને હવે 20 હજાર લોકોનો કરી રહ્યા છીએ. અત્યાર સુધી 3,76,961 લોકોનું ટેસ્ટિંગ થઇ ચૂક્યા છે. નિયમિત રીતે બે પ્રેસ કોન્ફરન્સ કરવામાં આવી અને જનતાને એજ જણાવ્યું જે ચાલી રહ્યું હતું એટલે સમગ્ર પારદર્શિતા રાખવામાં આવી. જનભાગીદારી પર જુંગે કહ્યું કે અમે લૉકડાઉન અપનાવવાની જગ્યાએ સામાન્ય લોકોના સહયોગથી જંગ જીત્યો કારણ કે સોશિયલ ડિસ્ટેન્સિંગ, સેલ્ફ ક્વોરોન્ટાઇન, વારંવાર હાથ ધોવા અને ફેસ માસ્ક પહેરવા પર ધ્યાન આપતા રહે. આના સંબંધિત સંદેશ પણ અલગ-અલગ માધ્યમોથી પ્રચારિત-પ્રસારિત કરવામાં આવ્યા.