સમગ્ર દેશ અત્યારે કોરોના વાયરસ સામે લડી રહ્યો છે. ત્યારે એક્ટર સોનુ સૂદ સતત લોકોની મદદ કરી રહ્યો છે. હાલમાં જ સોનુએ મોટા પ્રમાણમાં ઓક્સીજન સિલેન્ડર ડોનેટ કર્યા છે.
સમગ્ર દેશ અત્યારે કોરોના વાયરસનો હાહાકાર
એક્ટર સોનુ સૂદ સતત લોકોની મદદ કરી રહ્યો છે
સોનુએ મોટા પ્રમાણમાં ઓક્સીજન સિલેન્ડર ડોનેટ કર્યા
અત્યારના કપરાં સમયમાં લોકો ઈન્જેક્શન, રેમડેસિવિર, ઓક્સીજન સિલેન્ડર અને દવાઓ માટે હેરાન થઈ રહ્યાં છે. ત્યારે બોલિવૂડના ઘણાં સેલેબ્સ આગળ આવીને લોકોને મદદ કરી રહ્યાં છે. ત્યારે દરેકની આશા પૂરી કરે છે સોનુ સૂદ. જ્યારે જરૂરિયાતમંદ લોકો બધી બાજુથી નિરાશ થઈ જાય છે ત્યારે તેઓ સોનુ પાસે મદદ માંગે છે. સોનુ પણ દરેક સંભવ પ્રયાસ કરીને મદદ માટે તૈયાર રહે છે. તે ગયા વર્ષથી એટલે કે આ મહામારી શરૂ થઈ ત્યારથી જ લોકોની મદદ કરી રહ્યો છે.
તમને જણાવી દઈએ કે, હાલમાં જ સોનુએ ખૂબ જ મોટા પ્રમાણમાં ઓક્સિજન સિલિંડર દાન કર્યા છે. તેણે પોતાના ઓફિશિયલ ટ્વિટર એકાઉન્ટ પરથી એક વીડિયો શેર કર્યો છે અને ભારતને મજબૂત રહેવાની વાત કહી છે. તેણે વીડિયોના કેપ્શનમાં લખ્યું છે કે, 'મારા તરફથી તમારા માટે ઓક્સિજન, મજબૂત રહે ભારત'.
વીડિયોમાં જોવા મળી રહ્યું છે કે એક લૉરીમાં મોટી માત્રામાં ઓક્સિજન સિલિન્ડર અપલોડ કરવામાં આવ્યા છે. સોનુ સૂદ રોજ અસંખ્ય લોકોની મદદ કરી રહ્યો છે. તેણે લોકોને મદદ કરવા માટે સૂદ ફાઉન્ડેશનની રચના કરી છે. આ સિવાય તેનું પર્સનલ ટ્વિટર એકાઉન્ટ લોકોની મદદની માંગથી ભરેલું રહે છે. સૂદની સાથે સાથે, તેની ટીમ પણ જરૂરિયાતમંદ લોકોને સહાય પહોંચાડવા સતત કાર્ય કરી રહી છે.
બોલિવૂડ કલાકારોમાં પ્રિયંકા ચોપડા જોનાસ, પૂજા ભટ્ટ અને દેશભરના લોકો સોનુ સૂદના કામની સતત પ્રશંસા કરી રહ્યાં છે. આ મહિનાની 3 તારીખે ટ્વિટ કરી હતી- મારા દેશને ઓક્સિજનની જરૂર છે. આ સાથે તેણે ફોલ્ડેડ હેન્ડ અને રાષ્ટ્ર ધ્વજ પણ બનાવ્યો છે. આ પછીના અન્ય એક ટ્વિટમાં તેણે લખ્યું- 'માત્રને માત્ર ઓક્સિજન'. આ પછી, તેણે ગુરુવારે ઓક્સિજન ડોનેટ કર્યા છે.
સોનુ સૂદે 25 એપ્રિલે એક ટેલિગ્રામ એપ્લિકેશન શરૂ કરી, જેના દ્વારા તે દેશભરના જરૂરિયાતમંદ લોકોને હોસ્પિટલમાં બેડ, દવાઓ અને ઓક્સિજન ઉપલબ્ધ કરાવશે. શનિવારે તેણે ટ્વિટ કરીને દેશવાસીઓને સોનુ સૂદ કોવિડ ફોર્સમાં જોડાવાની અપીલ કરી છે. તેણે લખ્યું કે- 'હવે સમગ્ર દેશ સાથે આવશે. મારી સાથે ટેલિગ્રામ ચેનલ પર જોડાઓ અને 'ઈન્ડિયા ફાઇટ્સ વિથ કોવિડ' પર જોડાવો.. દેશને બચાવીશું. '