બોલીવુડની દબંગ ગર્લ સોનાક્ષી સિન્હા પોતાના દેખાવને લઇને હંમેશા પ્રયોગ કરે છે. હાલમાં તેણે પોતાનો લેટેસ્ટ લુક સોશિયલ મીડિયામાં શેર કર્યો છે. અભિનેત્રીને ફોટામાં ગ્રે વિગ પહેરેલી જોઈ શકાય છે. તસ્વીરમાં તે ખૂબ અલગ દેખાય છે.
બોલીવુડની દબંગ ગર્લ સોનાક્ષી સિન્હાએ લેટેસ્ટ લુક શેર કર્યો
અભિનેત્રીએ ગ્રે વિગ પહેરીને ખેંચાવી છે તસ્વીર
અભિનેત્રીના કેટલાંક પ્રશંસકોએ આ દેખાવને ઓલ્ડ લુક કહ્યો
સોનાક્ષી સિન્હાએ લેટેસ્ટ લુક શેર કર્યો
બોલીવુડની દબંગ ગર્લ સોનાક્ષી સિન્હાના ચાહકોએ તેના આ લુકને પસંદ કર્યો તો અમુક ચાહકોએ તેના આ દેખાવને ઓલ્ડ લુક કહ્યો છે. અમુક પ્રશંસકે એવુ પણ કહ્યું કે સોનાક્ષી હવે વૃદ્ધ થઇ ગઇ છે. તો અમુક પ્રશંસકોએ કહ્યું કે આ કેવો લુક, જેમાં તમે ગજબ દેખાવ છો. પોતાના ઈન્સ્ટાગ્રામ એકાઉન્ટ પર સોનાક્ષીએ તસ્વીરોની સેટ શેર કરી છે, જેમાં તેના વાળ ગ્રે દેખાઈ રહ્યાં છે અને ગ્રે- સિલ્વર કલરનુ તેમણે મેચિંગ ગાઉન અને આભૂષણો પહેર્યા છે. સોનાક્ષીએ લખ્યું, નવો લુક નથી... પરંતુ લુક ! પહેલા બે શોટ્સમાં રાઉડી રાઠૌર અભિનેત્રીએ સેલ્ફી લીધી છે, તો એક તસ્વીર લોન્ગ શૉટ લીધો છે. તો અમુક યુઝર્સ સોનાક્ષીના સ્ટાઈલિશ લુકથી ઈમ્પ્રેસ થયા નથી. એક યુઝર્સે કહ્યું, આ વૃદ્ધ દાદી કોણ છે?
કામની વાત કરીએ તો અભિનેત્રી પોતાની અપકમિંગ ફિલ્મ ડબલ એક્સએલમાં હુમા કુરૈશીની સાથે દેખાશે. તેની પાસે વિજય વર્માની સાથે દહાડ, રાજ બબ્બર અને તાહિર રાજ ભસીનની સાથે બુલબુલ તરંગ અને રિતેશ દેશમુખની સાથે પણ એક ફિલ્મ પાઈપલાઈન છે.