કાર્યવાહી / ગોંડલમાં જુગારધામ પર રેડ, ન.પાના પૂર્વ ઉપ-પ્રમુખનો પુત્ર-પૂર્વ શહેર ભાજપ પ્રમુખનો ભાઈ જુગાર રમતા ઝડપાયા

• ગોંડલમાં જુગારધામમાં પોલીસના દરોડા 
• ન.પાના પૂર્વ ઉપ-પ્રમુખનો પુત્ર જુગાર રમતા ઝડપાયો
• પૂર્વ શહેર ભાજપ પ્રમુખનો ભાઈ પણ ઝડપાયો 

ગોંડલમાં જુગારધામમાં પોલીસે રેડ કરતાં ગોંડલ નગરપાલિકાના પૂર્વ ઉપ-પ્રમુખનો પુત્ર અને પૂર્વ શહેર ભાજપ પ્રમુખનો ભાઈ સહિતના ઇસમો ઝડપાયા છે. ઈગતો મુજબ પોલીસે ચોક્કસ બાતમી આધારે ગોંડલના ભોજપરા વિસ્તારમાં રેડ કરી હતી. જોકે પોલીસને જોઈ જુગારીઓમાં દોડધામના દ્રશ્યો સર્જાયા હતા. આ તરફ પોલીસ કાર્યવાહી દરમ્યાન જુગાર રમત ઇસમોને ઝડપી પાડયા છે. 

ગોંડલના ભોજપરા વિસ્તારમાં પોલીસની રેડ 

રાજકોટના ગોંડલમાં પોલીસે ચોક્કસ બાતમી આધારે રેડ કરી જુગારીઓને ઝડપી પાડયા છે. જેમાં રાજકારણીઓના સંબંધીઓનો પણ સમાવેશ થાય છે. પોલીસે રેડ દરમ્યાન ગોંડલ નગરપાલિકાના પૂર્વ ઉપ-પ્રમુખનો પુત્ર સુનિલ કોટડિયા જુગાર રમતા ઝડપી પાડ્યો છે. આ સાથે પૂર્વ શહેર ભાજપ પ્રમુખનો ભાઈ કેવિન રૈયાણી પણ જુગાર રમતા ઝડપાયો છે. 

તાજેતરમાં આણંદમાં કોંગ્રેસના કાઉન્સિલર જુગાર રમતા ઝડપાયા 

આ તરફ 16 જુલાઇના રોજ આણંદ નગરપાલિકાના વૉર્ડ નંબર-3ના કાઉન્સિલર જુગાર રમતા ઝડપાતા હડકંપ મચી ગયો હતો. કોંગ્રેસ કાઉન્સિલર રજ્જાક જુગાર રમતા ઝડપાયા હતા. વિગતો મુજબ કાઉન્સિલર અને અન્ય 5 લોકો નાપાડ વાંટા ગામે જુગાર રમતા હતા. આ દરમ્યાન આણંદ ગ્રામ્ય પોલીસે જુગારધામ પર રેડ કરી હતી. જ્યાં રેડ દરમ્યાન કાઉન્સિલર રજ્જાક જુગાર સહિત 6 જુગારી રંગહથે ઝડપાઇ ગયા હતા. હાલ તો સમગ્ર મામલે પોલીસ ગુનો નોંધી વધુ તપાસ હાથ ધરી છે.