રાજકારણ / ...તો હું મોદી સરકાર પાડી દઈશ: PM મોદીના પ્રવાસની વચ્ચે આ CMએ આપી ચેલેન્જ

• ભાજપના મેગા મંથન વચ્ચે રાજકીય ઉકળાટ, તેલંગાણાના મુખ્યમંત્રીનું મોટું નિવેદન 
• એકવાર અમારી સરકારને નીચે લાવી દો, જુઓ, હું મોદી સરકારને નીચે લાવીશ: KCR
• અમારી પાસે 104 ધારાસભ્યો, તમે કેટલાને ડરાવીને ડરાવશો:  KCR

દેશના વડાપ્રધાન નરેન્દ્ર મોદી સહિત શાસક ભાજપના દિગ્ગજ નેતાઓ હૈદરાબાદમાં છે. ભાજપ વિસ્તરણ અને આગામી ચૂંટણીઓ માટે મેગા મંથન કરી રહ્યું છે. આ દરમ્યાન તેલંગાણામાં રાજકીય ગરમાવો જોવા મળી રહ્યો છે. બીજેપી પર પ્રહાર કરતા તેલંગાણાના મુખ્યમંત્રી કેસીઆરએ કહ્યું છે કે, એકવાર અમારી સરકારને નીચે લાવી દો, જુઓ, હું મોદી સરકારને નીચે લાવીશ.

હૈદરાબાદમાં ભાજપના દિગ્ગજ નેતાઓનો મેળાવડો 

મહારાષ્ટ્રમાં ભારતીય જનતા પાર્ટી (BJP)એ શિવસેનાના બળવાખોરોની મદદથી સરકાર બનાવી છે. બીજી તરફ મહારાષ્ટ્રમાં સત્તા પરિવર્તન ચાલી રહ્યું છે તો બીજી તરફ તેલંગાણાની રાજધાની હૈદરાબાદમાં ભાજપનું મેગા મંથન ચાલી રહ્યું છે. હૈદરાબાદમાં ભાજપના દિગ્ગજ નેતાઓનો મેળાવડો છે. પાર્ટીની રાષ્ટ્રીય કાર્યકારિણીની બેઠક ચાલી રહી છે. વંશવાદના મુદ્દે ભાજપ વિપક્ષી પાર્ટીઓ સામે આક્રમક છે. જ્યારે હવે તેલંગાણામાં તેને લઈને રાજકીય ગરમાવો જોવા મળી રહ્યો છે. તેલંગાણા રાષ્ટ્ર સમિતિના વડા અને તેલંગાણાના મુખ્યમંત્રી કેસીઆરે ભાજપ પર પ્રહારો કર્યા છે.

શું કહ્યું  તેલંગાણાના મુખ્યમંત્રીએ ? 

તેલંગાણાના સીએમ કેસીઆરએ કહ્યું કે,  અમારી પાસે 104 ધારાસભ્યો છે. ભાજપ કહે છે કે, તેઓ મહારાષ્ટ્રની જેમ અમારી સરકારને ઉથલાવી દેશે. મુખ્યમંત્રીએ ભાજપને ચેલેન્જ આપતાં કહ્યું કે,  એક વાર સરકારને ઉથલાવીને જુઓ. અમે તમારી દિલ્હી સરકારને પાડી દઈશું.

લોકશાહીને જોખમમાં રાખીને સાત રાજ્યોમાં સરકારને ઉથલાવી: તેલંગાણા સીએમ

તેલંગાણાના મુખ્યમંત્રી કેસીઆરએ કહ્યું કે, તમે કેટલાને ડરાવીને ડરાવશો. કેસીઆરએ કહ્યું કે, વડાપ્રધાન નરેન્દ્ર મોદીએ લોકશાહીને જોખમમાં રાખીને સાત રાજ્યોમાં સરકારને ઉથલાવી દીધી. નરેન્દ્ર મોદી પહેલા 14 વડાપ્રધાન હતા પરંતુ કોઈએ દેશને નુકસાન કર્યું નથી. તમે (નરેન્દ્ર મોદી) વડા પ્રધાન નહીં પણ તમારા સાહુકાર મિત્રના સેલ્સમેન બની ગયા છો. હૈદરાબાદમાં યોજાનારી પીએમ મોદીની જાહેર સભાને લઈને તેમણે કહ્યું કે, તમે એ પણ જણાવશો કે, તમે તમારા શાહુકાર મિત્રને શ્રીલંકામાં બિઝનેસની તક અપાવવા માટે શું કર્યું. ટીઆરએસ ચીફ કેસીઆરે કહ્યું કે, પીએમ જૂઠ પર જુઠ્ઠુ બોલે છે. તેઓ કાળું નાણું લાવવાની વાત કરતા હતા. એક પણ રૂપિયો કાળું નાણું આવ્યું નહીં, ઊલટું બમણું થઈ ગયું. એવા આંકડા કહી રહ્યા છે. તેમણે એમ પણ કહ્યું કે, 15 લાખ આપવાની વાત થઈ હતી પરંતુ 15 પૈસા પણ આવ્યા નથી.

ખોટી નીતિના કારણે કેટલી કંપનીઓ દેશ છોડીને ચાલી ગઈ

પીએમ પર પ્રહાર કરતા કેસીઆરે કહ્યું કે, તમારી ખોટી નીતિના કારણે કેટલી કંપનીઓ દેશ છોડીને ચાલી ગઈ. તેમણે એવો સવાલ પણ કર્યો હતો કે, રૂપિયો આટલો નીચો કેમ પડી રહ્યો છે. સત્તામાં આવ્યા પહેલા મનમોહન સરકાર સમયે બૂમો પાડતા હતા. હવે તમે જ કહો કે રૂપિયો આટલો નીચે કેમ પડ્યો ? કેસીઆરએ કહ્યું કે, તમે કોરોના મહામારી દરમ્યાન નિષ્ફળ ગયા. તમે અચાનક લોકડાઉન જાહેર કરીને કરોડો લોકોને મુશ્કેલીમાં મૂક્યા. પવિત્ર ગંગા નદીમાં સેંકડો મૃતદેહો ધોવાઈ ગયા હતા. લોકો માટે એક પણ ટ્રેન આપી શકી નથી. અમે લોકોને ટ્રેનની વ્યવસ્થા કરીને, રોકડ આપીને તેમના ઘરે લઈ ગયા.