GST વિભાગ દરોડા પાડવા માટે ગયું હતું. આ દરમિયાન દારૂનો પણ જથ્થો મળી આવ્યો હતો. જેમાં રૂપિયા 33 લાખની 900 નંગ બોટલની હતી.
અમદાવાદમાં GST વિભાગે મોટી કાર્યવાહી કરી છે. ઇલેક્ટ્રોથર્મ ઇન્ડિયા કંપની વિરુદ્ધ GST વિભાગે દરોડા પાડીને મોટી કાર્યવાહી કરી છે. કંપનીએ 46.69 કરોડના વ્યવહારો પર વેરો ભર્યો ન હતો. જેના કારણે સ્થળ પર જ GST વિભાગે રૂ.10.87 કરોડ વસૂલ્યાં હતા.
દરોડા દરમિયાન એક ટ્રકમાંથી જીએસટીને લગતા 50 બોક્સ ડોક્યુમેન્ટ્સ પણ જપ્ત કરાયા છે. તો સાથે ટ્રકમાંથી વિદેશી દારુની બોટલો પણ ઝડપાઇ હતી. GST વિભાગ દરોડા પાડવા માટે ગયું હતું. આ દરમિયાન દારૂનો પણ જથ્થો મળી આવ્યો હતો. જેમાં રૂપિયા 33 લાખની 900 નંગ બોટલની હતી. આ ઉપરાંત સિક્યોરિટી ઇન્ચાર્જના ઘરેથી ચાર બોક્સ ભરી દારૂની બોટલ ઝડપાઇ હતી. અને અન્ય એક બંગલોથી પણ 36 નંગ બોટલ મળી આવી. જીએસટીએ પોલીસને જાણ કરી આગળની કાર્યવાહી હાથ ધરી છે.
આજના દિવસ દરમિયાન ભાવનગર અને ગાંધીધામ ખાતે 40 સ્થળોએ તપાસ પણ કરી હતી. 19 કિસ્સામાં 40 સ્થળોએ તપાસ હાથ ધરાઇ હતી. જેમાં બોગસ બિલિંગનું કૌભાંડ જીએસટી વિભાગે ઝડપ્યું હતું. કુલ રૂ. 451 કરોડના બોગસ બિલિંગ દ્વારા રૂ.81 કરોડની કરચોરીનું કૌભાંડ સામે આવ્યું છે.