- આર્થિક સંકટનો સામનો કરી રહ્યું છે શ્રીલંકા
- લોકો માટે પેટ ભરવું પણ મુશ્કેલ
- ભારતે લંબાવ્યો મદદનો હાથ
આર્થિક સંકટનો સામનો કરી રહ્યું છે શ્રીલંકા
આર્થિક સંકટનો સામનો કરી રહેલા શ્રીલંકામાં લાખો વિદ્યાર્થીઓની પરીક્ષા રદ્દ કરવામાં આવી છે, કેમકે દેશમાં પ્રિન્ટિંગ પેપરની અછત છે. સરકારના ખજાનામાં એટલા પૈસા નથી કે પ્રિન્ટિંગ પેપરની આયાત થઇ શકે, એટલા માટે હવેના આદેશ સુધી પરીક્ષા કેંસલ કરવામાં આવી છે. જણાવી દઈએ કે શ્રીલંકા 1948 બાદથી અત્યાર સુધીના સૌથી ગંભીર આર્થિક સંકટમાંથી પસાર થઇ રહ્યું છે.
આગળના ધોરણમાં પ્રમોટ થશે વિદ્યાર્થીઓ
કક્ષા 9, 10, 11ની પરીક્ષાઓ અનિશ્ચિત કાળ સુધી રદ્દ કરવામાં આવી છે અને હવે આ વિચાર કરવામાં આવી રહ્યો છે કે શું વિદ્યાર્થીઓને શૈક્ષણિક વર્ષનાં અંત સુધી આગળના ધોરણમાં પ્રમોટ કરવા કે નહી. પશ્ચિમી પ્રાંતનાં શિક્ષા વિભાગે જણાવ્યું કે સ્કૂલનાં પ્રિન્સીપાલ ટેસ્ટ નહી લઇ શકે કેમકે પ્રિન્ટર્સ, આવશ્યક કાગળ અને સાહી આયાત કરવા માટે વિદેશી મુદ્રા જુટાવવામાં અસમર્થ છે.
મોંઘવારીએ તોડ્યા રેકોર્ડ
શ્રીલંકા હાલમાં વિદેશી મુદ્રા ભંડારની અછતની સાથે સાથે આર્થિક સંકટનો પણ સામનો કરી રહ્યું છે. દેશમાં મોંઘવારી પણ રેકોર્ડ તોડી રહી છે. લોકો માટે પેટ ભરવું પણ મુશ્કેલ થતું જાય છે. શ્રીલંકા હવે કરજાને સહારે આ સંકટમાંથી બહાર આવવાનો પ્રયાસ કરી રહ્યું છે. IMFએ ગયા શુક્રવારે પુષ્ટિ કરી હતી કે તે શ્રીલંકાઈ રાષ્ટ્રપતિ ગોટાબાયા રાજપક્ષેનાં વિદેશી ઋણ સંકટનો ઉકેલ લાવવા માટે એક બેલઆઉટ પેકેજ પર ચર્ચાની માંગ પર વિચાર કરી રહ્યું છે.
ભારતે લંબાવ્યો મદદનો હાથ
શ્રીલંકાની આર્થિક સ્થિતિને સંભાળવા માટે ભારતે તેને સરળ શરતો પર એક અરબ ડોલરની સહયાતા આપી છે. હાલમાં જ નવી દિલ્હીની યાત્રા પર આવેલ શ્રીલંકાનાં નાણા મંત્રી બાસિલ રાજપક્ષેની નાણા મંત્રી નિર્મલા સીતારમણ અને વિદેશ મંત્રી એસ જયશંકર સાથેની મુલાકાતમાં આ નાણાકીય મદદ સાથે જોડાયેલ સમજૂતી પર હસ્તાક્ષર કરવામાં આવ્યા હતા. હવે એક અરબ ડોલરની આ મદદનો ઉપયોગ શ્રીલંકાની સરકાર અનાજ, દવાઓ અને બીજી આવશ્યક વસ્તુઓની આયાત માટે કરશે.
