ગૌરવ પ્રાપ્ત / શ્રેયસ ઐયરે રચ્યો ઈતિહાસ, ભારતીય ધરતી પર T20માં આ સિદ્ધી પ્રાપ્ત કરનારા બન્યાં પ્રથમ બેટ્સમેન

• ભારતીય ધરતી પર શ્રેયસ ઐયરે રચ્યો ઈતિહાસ
• શ્રેયસ ઐયરને શાનદાર બેટીંગ માટે પ્લેયર ઑફ ધ સિરીઝ પસંદ કરાયો
• શ્રેયસ ઐયર પહેલા કોઈ પણ બેટ્સમેને 50 પ્લસ સ્કોર બનાવ્યો નથી

શ્રેયસ ઐયરે રચ્યો ઈતિહાસ

શ્રેયસ ઐયરને આ શ્રેણીમાં વિરાટ કોહલીની જગ્યાએ એટલેકે ત્રીજા નંબરે અજમાવવામાં આવ્યો હતો અને તેમણે પોતાની બેટીંગથી ભારતીય ટીમને આ શ્રેણીમાં જીત અપાવવામાં મહત્વની ભૂમિકા અદા કરી. તેણે સતત ત્રણ મેચોમાં નોટઆઉટ રહીને ત્રણ અર્ધસદી ફટકારી અને આખી સીરીઝ દરમ્યાન તેની શાનદાર બેટીંગ માટે તેને પ્લેયર ઑફ ધ સિરીઝ પસંદ કરવામાં આવ્યો. ભારતીય ધરતી પર ટી-20 આંતરરાષ્ટ્રીય ક્રિકેટની સતત ત્રણ મેચોમાં શ્રેયસ ઐયર પહેલા કોઈ પણ બેટ્સમેને 50 પ્લસ સ્કોર બનાવ્યો નથી. પરંતુ ઐયરે આ કમાલ કરી દીધી અને ઈતિહાસ રચી નાખ્યો. તેણે ભારતીય ટીમ તરફથી ટી-20 આંતરરાષ્ટ્રીય ક્રિકેટમાં ત્રણ મેચોની ટી-20 શ્રેણીની ત્રણ મેચોમાં સતત 50 પ્લસની ઈનિંગ રમનારા પ્રથમ બેટ્સમેન બનવાનુ ગૌરવ પ્રાપ્ત કર્યુ.  

ત્રણ મેચની ટી-20 શ્રેણીમાં શ્રીલંકા 3-0થી ક્લીન સ્વીપ

શ્રીલંકા સામે ત્રણ મેચની ટી-20 શ્રેણીની પહેલી મેચમાં લખનઉમાં શ્રેયસ ઐયરે અણનમ 57 રનની ઈનિંગ રમી હતી અને આ મેચમાં ભારતીય ટીમને 62 રનથી જીત મળી હતી. બીજી મેચમાં ધર્મશાળામાં તેમણે અણનમ 74 રનની ઈનિંગ રમી અને આ મેચમાં ભારતીય ટીમનો 7 રનથી વિજય થયો હતો. તો ત્રીજી મેચમાં તેમણે 45 બોલનો સામનો કરીને એક છગ્ગો અને 9 ચોગ્ગાની મદદથી અણનમ 73 રનની ઈનિંગ રમી. શ્રેયસ ઐયરની આ ઈનિંગના કારણે ભારતીય ટીમને ત્રીજી મેચમાં 6 વિકેટથી જીત મળી અને ટીમ ઈન્ડિયાએ ત્રણ મેચોની ટી-20 શ્રેણીમાં શ્રીલંકાને 3-0થી ક્લીન સ્વીપ કરી નાખ્યું.