BIG NEWS  / 24 જ કલાકમાં ત્રણ જગ્યાએ શૂટઆઉટથી અમેરિકામાં હડકંપ, કુલ 9ના મોત 

• અમેરિકામાં 24 કલાકમાં ત્રણ જગ્યાએ શૂટઆઉટ
• ઇન્ડિયાનાના ગેરી સિટીમાં ફાયરિંગમાં  3 લોકોના મોત 
• હાઈલેન્ડ પાર્કમાં ગોળીબારમાં 6 લોકોના મોતથી હડકંપ 

અમેરિકામાં સતત ફાયરિંગની ઘટનાઓ સામે આવતા ફરી એકવાર અમેરિકામાં ખળભળાટ મચી ગયો છે. મીડિયા રિપોર્ટ્સ અનુસાર, આ વખતે શૂટિંગ ઇન્ડિયાનાના ગેરી સિટીમાં એક પાર્ટી દરમ્યાન થયું હતું. આ ઘટનામાં 3 લોકોના મોત થયા છે જ્યારે ઘણા લોકો ઘાયલ પણ થયા છે. આ સાથે અમેરિકાના શિકાગોમાં સોમવારે હાઈલેન્ડ પાર્કમાં સ્વતંત્રતા દિવસની પરેડ દરમ્યાન ગોળીબારની ઘટના બની હતી. જેમાં 6 લોકોના મોત થયા હતા. આમ અમેરિકામાં ત્રણ અલગ-અલગ જગ્યાએ શૂટઆઉટથી કુલ 9 વ્યક્તિના મોત થયા છે. 

શુ કહ્યું સ્થાનિક પોલીસે ? 

સ્થાનિક પોલીસના જણાવ્યા અનુસાર, ઇન્ડિયાનાના ગેરી સિટીમાં એક હોલિડે પાર્ટી દરમ્યાન ફાયરિંગની ઘટના બની હતી. તમામ ઘાયલોને હોસ્પિટલમાં સારવાર આપવામાં આવી રહી છે. આ પહેલા 13 જૂનના રોજ ગેરીમાં ગોળીબાર થયો હતો, જેમાં 2 લોકોએ જીવ ગુમાવ્યા હતા. અમેરિકામાં 24 કલાકમાં ત્રણ જગ્યાએ ફાયરિંગની ઘટના સામે આવી છે. ઇન્ડિયાનામાં ગોળીબારમાં ત્રણ લોકોના મોત થયા હતા, જ્યારે પેન્સિલવેનિયામાં ગોળીબારથી ખળભળાટ મચી ગયો હતો. આ પહેલા શિકાગોમાં ગોળીબારની ઘટનામાં 6 લોકોના મોત થયા હતા.

અમેરિકામાં 24 કલાકમાં 3 ફાયરિંગ

અમેરિકાના ઈન્ડિયાનાના ગેરીમાં ફાયરિંગની ઘટનામાં ત્રણ લોકોના મોત થયા છે. આ સાથે પેન્સિલવેનિયાના ફિલાડેલ્ફિયા શહેરમાં આઝાદીની ઉજવણી દરમ્યાન ગોળીબારની ઘટના પણ સામે આવી છે. જ્યાં દરેક જગ્યાએ આતશબાજી થઈ રહી હતી, જે બાદમાં અચાનક નાસભાગ મચી ગઈ. લોકો અહીં-તહીં દોડવા લાગ્યા. કહેવામાં આવી રહ્યું છે કે ,પાર્કવે વેલકમમાં ભારે ભીડને કારણે સુરક્ષાકર્મીઓ લોકોને અહીં-ત્યાંથી હટાવી રહ્યા હતા, ત્યારે અચાનક બે પોલીસકર્મીઓને ગોળી વાગી હતી. ફાયરિંગનો અવાજ સાંભળીને સમગ્ર વિસ્તારમાં ભયનો માહોલ છવાઈ ગયો હતો. ઘાયલ પોલીસકર્મીઓને હોસ્પિટલ લઈ જવામાં આવ્યા હતા. પોલીસે હુમલાખોરની શોધખોળ શરૂ કરી છે.

શિકાગોમાં પણ ગોળીબારમાં 6 લોકોના મોત 

આ પહેલા અમેરિકાના શિકાગોમાં સોમવારે હાઈલેન્ડ પાર્કમાં સ્વતંત્રતા દિવસની પરેડ દરમ્યાન ગોળીબારની ઘટના બની હતી. જેમાં 6 લોકોના મોત થયા હતા. ઉલ્લેખનીય છે કે, તાજેતરના સમયમાં અમેરિકામાં ફાયરિંગની ઘટનાઓમાં નોંધપાત્ર વધારો થયો છે. દરમ્યાન, ગન કલ્ચર પર લગામ લગાવવા અંગે અમેરિકામાં ચર્ચા ચાલી રહી છે.